پاک فوج کے ایک ہندو افسر ڈاکٹر کیلاش کمار کو لیفٹیننٹ کرنل کے عہدے پر ترقی دے دی گئی ہے۔

سرکاری نشریاتی ادارے پاکستان ٹیلی ویژن نے ترقی کا اعلان کرتے ہوئے کہا کہ ڈاکٹر کیلاش کمار پہلے ہندو افسر ہیں جنہیں اس عہدے پر ترقی دی گئی ہے۔

وزیر اطلاعات فواد چوہدری نے نئے ترقی پانے والے لیفٹیننٹ کرنل کو مبارکباد دیتے ہوئے کہا کہ آپ ہمارا فخر ہیں۔

وزیر مملکت برائے موسمیاتی تبدیلی زرتاج گل وزیر نے ڈاکٹر کیلاش کمار کے تقرر کو ملک کے لیے قابل فخر لمحہ قرار دیا۔

مصنفہ شمع جونیجو نے کہا کہ آج تاریخ رقم ہو گئی ہے اور امید ظاہر کی کہ پاک فوج کے افسر ایک دن جنرل کے عہدے پر ترقی پانے میں کامیاب رہیں گے۔