• KHI: Zuhr 12:38pm Asr 5:20pm
  • LHR: Zuhr 12:09pm Asr 5:02pm
  • ISB: Zuhr 12:14pm Asr 5:11pm
  • KHI: Zuhr 12:38pm Asr 5:20pm
  • LHR: Zuhr 12:09pm Asr 5:02pm
  • ISB: Zuhr 12:14pm Asr 5:11pm

یونس خان، عمر گل افغانستان کی کرکٹ ٹیم کے کنسلٹنٹس مقرر

شائع April 3, 2022
افغانستان کرکٹ بورڈ نے کہا کہ یونس خان او عمرگل بین الاقوامی کرکٹ کا وسیع تجرہ رکھتے ہیں—فوٹو: ٹوئٹر
افغانستان کرکٹ بورڈ نے کہا کہ یونس خان او عمرگل بین الاقوامی کرکٹ کا وسیع تجرہ رکھتے ہیں—فوٹو: ٹوئٹر

افغانستان نے پاکستان کرکٹ ٹیم کے سابق کپتان یونس خان اور سابق فاسٹ باؤلر عمر گل کو بالترتیب بیٹنگ اور باؤلنگ کنسلٹنٹ مقرر کردیا۔

خبرایجنسی رائٹرز کی رپورٹ کے مطابق افغانستان کرکٹ بورڈ (اے سی بی)نے بیان میں کہا کہ ٹیم کا متحدہ عرب امارات میں ٹریننگ کیمپ جاری ہے جس کے لیے یونس خان اور عمر گل کو کنسلٹنٹ مقرر کردیا گیا ہے۔

مزیدپڑھیں: ’افغانستان نے گروپ کی دیگر ٹیموں کے لیے خطرے کی گھنٹی بجادی‘

اے سی بی نے سماجی رابطے کی ویب سائٹ ٹوئٹر پر اپنے بیان میں کہا کہ یونس خان اور عمر گل گل کو دورہ متحدہ عرب امارات کے لیے کوچنگ کنسلٹنٹ مقرر کردیا گیا ہے۔

اے سی بی کے چیف ایگزیکٹیو نصیب خان کا کہنا تھا کہ ‘یونس خان اور عمر گل کے پاس بین الاقوامی کرکٹ وسیع تجربہ ہے اور مجھے امید ہے کہ ہمارے لڑکے بیٹنگ اور باؤلنگ کے شعبوں میں جو مسائل ہیں اس پر قابو پالیں گے’۔

خیال رہے کہ پاکستان کرکٹ ٹیم کے سابق کپتان اور مایہ ناز بلے باز یونس خان نے 2017 میں بین الاقوامی کرکٹ سے ریٹائرمنٹ کا اعلان کیا تھا اور اس کے بعد کوچنگ کیریئر کا آغاز کیا تھا۔

یونس خان مختصر عرصے کے لیے پاکستانی کرکٹ ٹیم کے بیٹنگ کوچنگ رہے۔

یہ بھی پڑھیں: افغانستان ون ڈے سیریز کے لیے پاکستان کی میزبانی کا خواہشمند

سابق فاسٹ باؤلر عمر گل نے 2020 میں پاکستان سپر لیگ (پی ایس ایل) میں کوئٹہ گلیڈی ایٹرز کے باؤلنگ کوچ کے طور کام شروع کیا اور حالیہ ایونٹ میں بھی وہ مذکورہ ٹیم کے باؤلنگ کوچ رہے۔

قبل ازیں اے سی بی نے انگلینڈ کی کرکٹ ٹیم کے سابق بلے باز گراہم تھارپ کو ٹیم کا ہیڈ کوچ مقرر کردیا تھا، جنہوں نے جنوبی افریقہ کے لانس کلوزنر کی جگہ لی۔

واضح رہے کہ افغانستان کی کرکٹ ٹیم بین الاقوامی سطح پر آنے والی شیڈول میچوں کی تیاری کے لیے اس وقت متحدہ عرب امارات میں ٹریننگ میں مصروف ہے۔

کارٹون

کارٹون : 20 جولائی 2024
کارٹون : 19 جولائی 2024