عامر لیاقت پر تیسری اہلیہ کے لگائے گئے 10 بڑے الزامات

دانیہ شاہ نے انسٹاگرام پر نام بھی تبدیل کردیا
دانیہ شاہ نے انسٹاگرام پر نام بھی تبدیل کردیا

رکن قومی اسمبلی، اسکالر و ٹی وی میزبان سید عامر لیاقت حسین کی تیسری اہلیہ دانیہ شاہ عدالت میں تنسیخ نکاح کی درخواست دینے کے بعد اب تک متعدد انٹرویوز میں شوہر پر سنگین الزامات عائد کیے ہیں۔

دانیہ شاہ نے واضح کیا ہے کہ وہ ’شاہ‘ نہیں اور نہ ہی شادی کے وقت ان کی عمر 18 سال تھی بلکہ وہ نکاح کے وقت 15 سال کی تھیں۔

تنسیخ نکاح کی درخواست دینے کے بعد اب انہوں نے انسٹاگرام پر اپنا نام بھی تبدیل کردیا ہے اور نام سے ’عامر اور شاہ‘ ہٹاکر دانیہ ملک کردیا۔

عامر لیاقت اور دانیہ ملک کا معاملہ سامنے آنے کے بعد پاکستان میں 7 مئی سے دونوں کا نام ٹوئٹر پر ٹاپ ٹرینڈ بھی کرتا رہا، جب کہ دیگر سوشل میڈیا پلیٹ فارمز پر بھی ان کی متعدد ویڈیو اور آڈیو کلپس وائرل ہوگئیں۔

یہ بھی پڑھیں: عامر لیاقت حسین تیسری بار رشتہ ازدواج سے منسلک

انٹرنیٹ پر عامر لیاقت کی مبینہ طور پر ایسی ویڈیوز بھی وائرل ہو رہی ہیں، جن میں انہیں بے لباسی کی حالت میں گھر کے اندر نشہ کرتے دیکھا جا سکتا ہے۔

علاوہ ازیں عامر لیاقت نے اپنے انسٹاگرام پر دانیہ ملک ایسی مبینہ آڈیو کلپس بھی شیئر کیں، جن میں انہیں دوسرے افراد سے نامناسبت باتیں کرتے سنا جا سکتا ہے۔

عامر لیاقت اور دانیہ ملک کی وائرل ہونے والی آڈیو اور ویڈیو کلپس کی تصدیق نہیں ہو سکی اور دونوں ایک دوسرے پر جعلی ویڈیوز اور آڈیوز بنانے کے الزامات بھی عائد کر رہے ہیں۔

تاہم دانیہ ملک کی جانب سے متعدد انٹرویوز میں عامر لیاقت حسین پر لگائے گئے 10 بڑے الزامات نے ملک میں نئی بحث چھیڑ دی۔

دانیہ ملک کی جانب سے عامر لیاقت پر لگائے گئے الزامات کی فہرست درج ذیل ہے۔

—اسکرین شاٹ
—اسکرین شاٹ

1- دانیہ ملک نے ڈیلی پاکستان کو دیے گئے انٹرویو میں دعویٰ کیا کہ انہیں عامر لیاقت نے بتایا تھا کہ ٹی وی میزبان کو سابق اہلیہ طوبیٰ انور نے نشے کی عادت دی-

2 - انہوں نے دعویٰ کیا کہ عامر لیاقت انہیں بھی نشہ کرنے پر مجبور کرتا تھا مگر وہ ان کے سامنے نشہ کرنے کی اداکاری کرتی تھیں، انہوں نے کبھی نشہ نہیں کیا، جس وجہ سے بھی عامر لیاقت ان پر غصہ کرتے تھے۔

3 - دانیہ ملک نے الزام عائد کیا کہ عامر لیاقت نہ نماز پڑھتے ہیں، نہ قرآن کی تلاوت کرتے ہیں، جیسے وہ ٹی وی پر مذہبی نظر آتے ہیں، ایسے نہیں، انہوں نے خود سے زائد العمر شخص سے اسی لیے شادی کی تھی کہ وہ اسکالر ہیں اور انہیں بھی راہ راست پر لائیں گے۔

4 -ان کا کہنا تھا کہ اگر وہ جسم فروشی میں ملوث ہوتیں تو عامر لیاقت ان سے شادی نہ کرتے اور انہیں پہلے ہی دن طلاق دے دیتے، ساتھ ہی انہوں نے کہا کہ عامر لیاقت نے سابق اہلیہ طوبیٰ انور پر بھی جسم فروشی کے الزامات لگائے تھے۔

5 - انہوں نے واضح کیا کہ وہ ’سیدہ‘ نہیں ہیں، ان کے نکاح میں بھی ان کا نام دانیہ ملک لکھا ہوا ہے، عامر لیاقت انہیں سیدہ کہلانے کا کہتے تھے اور ان سے ہی پوچھا جائے کہ وہ ایسا کیوں کہتے تھے؟

—اسکرین شاٹ
—اسکرین شاٹ

6 -دانیہ ملک کے مطابق جب وہ شوہر کے ہمراہ اس وقت کے وزیر اعظم عمران خان سے ملنے گئی تھیں تو انہوں نے عامر لیاقت کو کہا تھا کہ وہ انہیں اچھی طرح جانتے ہیں اور ساتھ ہی عمران خان نے ان کے شوہر کو ان کا خیال رکھنے کا کہتے ہوئے کہا تھا کہ دانیہ ملک ابھی بچی ہیں۔

7- ایک اور یوٹیوب چینل سے بات کرتے ہوئے دانیہ ملک نے دعویٰ کیا کہ عامر لیاقت نے ان سے پیسے کمانے کی خاطر شادی کی، کیوں کہ ان کے پاس اتنی دولت نہیں تھی۔ انہوں نے الزام عائد کیا کہ ان کے شوہر ان کی نامناسب ویڈیوز بناکر کروڑوں روپے کمانا چاہتے تھے۔

8 -ایک اور انٹرویو میں دانیہ ملک نے دعویٰ کیا کہ عامر لیاقت ادھار پر نشہ حاصل کرتے تھے اور وہ بہت مقروض ہوچکے تھے، وہ اپنا قرض چکانے کے لیے انہیں استعمال کر رہے تھے، وہ انہیں میڈیا پر لے جاتے اور ان کے انٹرویوز کے پیسے وصول کرتے۔

9 - انہوں نے الزام عائد کیا کہ عامر لیاقت انہیں دوپٹہ اوڑھنے سے منع کرتے تھے اور انہیں ٹھیک طرح سے مکمل لباس بھی نہیں پہننے دیتے تھے۔

10- ایک اور انٹرویو میں دانیہ ملک نے الزام عائد کیا کہ عامر لیاقت انہیں بولتے تھے کہ وہ جس بھی بڑی اداکارہ کو بلانا چاہیں، وہ ان کے پاس آجائے گی، وہ بڑی اور مشہور اداکاراؤں کے نام لیتے تھے۔

—اسکرین شاٹ
—اسکرین شاٹ

تبصرے (0) بند ہیں