• KHI: Zuhr 12:33pm Asr 5:15pm
  • LHR: Zuhr 12:03pm Asr 4:59pm
  • ISB: Zuhr 12:09pm Asr 5:09pm
  • KHI: Zuhr 12:33pm Asr 5:15pm
  • LHR: Zuhr 12:03pm Asr 4:59pm
  • ISB: Zuhr 12:09pm Asr 5:09pm

آتشزدگی سے ڈیڑھ ماہ قبل سینٹورس مال کے جلنے کی تصویر بنانے والے آرٹسٹ پر تنقید

شائع October 10, 2022
طالب علم کی بنائی گئی تصاویر وائرل ہوگئیں—فوٹو: سید صائم ٹوئٹر
طالب علم کی بنائی گئی تصاویر وائرل ہوگئیں—فوٹو: سید صائم ٹوئٹر

وفاقی دارالحکومت اسلام آباد کے سینٹورس شاپنگ مال میں 9 اکتوبر کو آگ لگنے کے بعد ایک آرٹسٹ کی ڈیڑھ ماہ قبل بنائی گئی تصاویر سوشل میڈیا پر وائرل ہوگئیں، جنہوں نے فوٹوشاپ کے ذریعے بنائی گئی تصویر میں مذکورہ شاپنگ مال کو جلا دیا تھا۔

گزشتہ روز سینٹورس شاپنگ مال کی چوتھی منزل پر آگ بھڑک اٹھی تھی، جس پر مسلسل دو گھنٹے کی کوشش کے بعد قابو پایا گیا تھا۔

شاپنگ مال میں آگ لگنے کے بعد اس کی تصاویر اور ویڈیوز سوشل میڈیا پر وائرل ہوگئیں اور اسی دوران رواں برس اگست میں مذکورہ شاپنگ مال کی جلنے کی تصویر بنانے والے آرٹسٹ کی تصاویر بھی وائرل ہوگئیں۔

بعد ازاں مذکورہ آرٹسٹ سید صائم نے اپنی سینٹورس مال کے جلنے کی بنائی گئی تصاویر کو ری ٹوئٹ کرتے ہوئے بتایا کہ لوگ انہیں بددعائیں دے رہے ہیں۔

انہوں نے پرانی ٹوئٹ کو دوبارہ شیئر کرتے ہوئے بتایا کہ اگست میں وہ بوریت کا شکار تھے تو انہوں نے فوٹوشاپ پر سینٹورس مال کے جلنے کی تصویر بنائی تھیں اور اتفاق ہے کہ اب شاپنگ مال کو عین اسی طرح ہی آگ لگی، جیسے انہوں نے تصاویر بنائی تھیں۔

انہوں نے اپنی تصاویر بنانے اور سینٹورس مال میں آگ لگنے کو سال کی بدترین اور خوفناک چیز بھی قرار دیا۔

ساتھ ہی انہوں نے بتایا کہ اگست میں انہوں نے سینٹورس مال کی جلنے کی تصاویر بنانے کے بعد اپنی یونیورسٹی کے جلنے کی تصاویر بھی بنائی تھیں اور اب نہ جانے یونیورسٹی کا کیا ہوگا؟

سید صائم نے اگست 2022 میں اقرا یونیورسٹی میں آگ لگنے کی تصاویر بنا کر انہیں بھی ٹوئٹر پر شیئر کیا تھا۔

آرٹسٹ کی جانب سے ڈیڑھ ماہ قبل سینٹورس مال میں آگ لگنے کی تصاویر بنانے اور اب شاپنگ مال میں آگ لگنے کے بعد کئی لوگوں نے ان کی تصاویر کو شیئر کرتے ہوئے ان سے سوال کیا کہ انہوں نے جلنے کی تصاویر بناتے وقت کوئی خاص دعا مانگی تھی کیا؟

تبصرے (2) بند ہیں

Asad Oct 10, 2022 07:12pm
This is co incidence
Salazar Oct 11, 2022 09:23pm
Just a coincidence... Superstitious people always look for someone to blame or vent their frustrations. Wait, until they learn about Dorian Gray.

کارٹون

کارٹون : 16 جون 2024
کارٹون : 15 جون 2024