بھارتی کرکٹ ٹیم کے آل راؤنڈر ہاردک پانڈیا نے بولی وڈ کی اداکارہ سے دوبارہ شادی کرلی۔

بھارت میڈیا انڈیا ٹوڈے کے مطابق ہاردک پانڈیا نے 31 مئی 2020 کو بالی وڈ اداکارہ نتاشا اسٹینکووچ سے ممبئی کی ایک عدالت میں شادی کی تھی، کووڈ 19 کی وجہ سے شادی کی شاندار تقاریب منعقد نہیں ہوسکی تھیں۔

تاہم گزشتہ روز جوڑے سے ویلنٹائن ڈے کے موقع پر دوبارہ شادی کی، جوڑے کا ایک بیٹا بھی ہے۔

شادی کی تقریب دھوم دھام سے منعقد کی گئی۔

تقریب راجستھان کے شہر اودے پور میں دریا کنارے شاندار ہوٹل میں منعقد ہوئی جس میں جوڑے کے قریبی دوست اور اہل خانہ نے شرکت کی۔

نتاشا اسٹینکووچ نے سفیدرنگ کے گاؤن کا انتخاب کیا جبکہ ہاردک پانڈیا نے سیاہ رنگ کا سوٹ پہن رکھا تھا۔

شادی کی تصاویر شیئر کرتے ہوئے جوڑے نے لکھا کہ ’ہم نے آج ویلنٹائن ڈے منایا ہے اور اس وعدے کو دوبارہ دہرایا جو ہم نے تین سال قبل ایک دوسرے سے کیا تھا، اس خاص موقع پر اپنے خاندان اور دوست احباب کے ساتھ شریک ہوکر ہمیں بے حد خوشی ہے۔‘