• KHI: Zuhr 12:33pm Asr 5:15pm
  • LHR: Zuhr 12:03pm Asr 4:59pm
  • ISB: Zuhr 12:08pm Asr 5:09pm
  • KHI: Zuhr 12:33pm Asr 5:15pm
  • LHR: Zuhr 12:03pm Asr 4:59pm
  • ISB: Zuhr 12:08pm Asr 5:09pm

احمد علی اکبر طویل عرصے بعد ٹی وی اسکرین پر جلوہ گر ہونے کو تیار

شائع March 24, 2023 اپ ڈیٹ March 25, 2023
احمد علی اکبر اور منشا پاشا ایک ساتھ 4 سال بعد اس پروجیکٹ میں دکھائی دیں گے — فوٹو: انسٹاگرام
احمد علی اکبر اور منشا پاشا ایک ساتھ 4 سال بعد اس پروجیکٹ میں دکھائی دیں گے — فوٹو: انسٹاگرام

معروف ڈراما پری زاد کے نامور اداکار احمد علی اکبر طویل عرصے بعد ایک بار پھر ٹی وی اسکرین پر جلوہ گر ہونے کو تیار ہیں۔

احمد علی اکبر نے انسٹاگرام پر اپنے آنے والے پروجیکٹ کا پوسٹر شیئر کرتے ہوئے لکھا کہ ’میرے تازہ ترین پروجیکٹ ’ایڈیٹ‘ جلد آرہا ہے جس میں منشا پاشا بھی اداکاری کریں گی، یہ پروجیکٹ کفایت روڈانی نے تحریر کیا ہے جبکہ انجم شہزاد نے ہدایت دی ہے‘۔

احمد علی اکبر اور منشا پاشا ایک ساتھ 4 سال بعد اس پروجیکٹ میں دکھائی دیں گے۔

پوسٹر پر احمد اور منشا بینچ پر بیٹھے ایک دوسرے کو دیکھتے ہوئے دکھائی دے رہے ہیں۔ ظاہری طور پر یہ ایک محبت کی داستان ہے۔

کفایت روڈانی کی جانب سے یہی پوسٹر شیئر کیا گیا جس کی آڈیو میں احمد علی اکبر بلند آواز میں کہتے ہیں کہ ’اگر خود نہیں جی پاتے تو کسی اور کو بھی نہیں جینے دیتے کیا؟‘

یاد رہے کہ منشا پاشا اور احمد علی اکبر ایک ساتھ آخری بار فلم ’لال کبوتر‘ میں نظر آئے تھے۔

لال کبوتر کو چند لائنوں میں سمویا جائے تو یہ کراچی کے ایک ٹیکسی ڈرائیور کی کہانی ہے جو اپنے حالات بہتر بنانے کے لیے دبئی جانا چاہتا ہے اور اس واسطے اسے 3 لاکھ روپے درکار ہیں، جن کو حاصل کرنے کے لیے وہ اپنے جرائم پیشہ دوستوں کے ساتھ مل کر ٹیکسی چھینے جانے کا ڈرامہ کرتا ہے اور اس ڈرامے کے دوران اس کی ملاقات حادثاتی طور پر ایک لڑکی سے ہوجاتی ہے جس کے صحافی شوہر کو ایک مقامی بلڈر نے نامعلوم ٹارگٹ کلر کے ہاتھوں قتل کروا دیا ہوتا ہے۔

لال کبوتر میں ٹیکسی ڈرائیور کا کردار احمد علی اکبر نے ادا کیا ہے اور وہ اس کردار میں خوب ججتے ہیں جبکہ مقتول صحافی کی بیوی کا کردار کہنہ مشق منشا پاشا نے نبھایا ہے۔

علاوہ ازیں احمد علی اکبر نے مقبول ترین ڈرامے ’پری زاد‘ میں بھی مرکزی کردار ادا کیا تھا، انہیں اس ڈرامے میں بہترین اداکار کا ایوارڈ سے بھی نوازا گیا تھا۔

اکبر علی اکبر نے ڈرامے میں سادہ مزاج، سانولی رنگت کے سچے انسان کا کردار نبھایا تھا، جن سے اگرچہ متعدد خواتین تعلقات استوار کرتی ہیں مگر وہ ان سے شادی نہیں کرتیں۔

’پری زاد‘ میں اس وقت دلچسپ موڑ آجاتا ہے جب احمد علی اکبر کو ان کے مالک ’سیٹھ‘ بہت بڑی دولت سے نواز دیتے ہیں۔

’پری زاد‘ کو اس کی کہانی اور کرداروں کو قدرے حقیقی انداز میں دکھائے جانے کی وجہ سے کافی سراہا گیا اور اسے ہر ہفتے ’ہم ٹی وی‘ پر نشر کیا جاتا رہا جبکہ ڈرامے کی آخری قسط سنیما گھروں میں ریلیز کی گئی تھی۔

کارٹون

کارٹون : 14 جون 2024
کارٹون : 13 جون 2024