• KHI: Zuhr 12:39pm Asr 5:20pm
  • LHR: Zuhr 12:09pm Asr 5:01pm
  • ISB: Zuhr 12:14pm Asr 5:10pm
  • KHI: Zuhr 12:39pm Asr 5:20pm
  • LHR: Zuhr 12:09pm Asr 5:01pm
  • ISB: Zuhr 12:14pm Asr 5:10pm

بھارت: ریاست اوڈیسا میں ٹرین حادثہ، 50 افراد ہلاک، 300 زخمی

شائع June 2, 2023
ریل حادثہ ضلع بالاسور میں پیش آیا—فوٹو: آئرا ٹوئٹر
ریل حادثہ ضلع بالاسور میں پیش آیا—فوٹو: آئرا ٹوئٹر

بھارت کی ریاست اوڈیسا کے ضلع بالاسور میں مسافر ریلوں کے حادثے میں 50 افراد ہلاک اور 300 افراد زخمی ہوگئے۔

خبرایجنسی رائٹرز کی رپورٹ کے مطابق اوڈیسا کے ضلع بالاسور میں مسافر ریل پٹڑی سے اتر گئی مال گاڑی سے ٹکرا گئی، جس کے نتیجے میں ہلاکتیں ہوئیں جبکہ زخمیوں کو ہسپتال منتقل کردیا گیا ہے۔

بھارتی وزیراعظم نریندر مودی نے ٹوئٹ میں بتایا کہ جائے حادثے پر امدادی کام جاری ہے اور متاثرین کو ہر ممکن مدد فراہم کی جا رہی ہے۔

مغربی بنگال کے چیف سیکریٹری ایچ کے ڈیویڈی نے صحافیوں کو بتایا کہ ریل کا تصادم ’بدترین حادثہ‘ ہے۔

جنوب مشرقی ریاست کے ریلوے عہدیدار نے نام ظاہر نہ کرنے کی بنیاد پر بتایا کہ خدشہ ہے کہ ہلاکتوں کی تعداد بہت زیادہ ہے تاہم انہوں نے تعداد نہیں بتائی۔

بھارتی میڈیا نے رپورٹس میں بتایا کہ کولکتہ سے چنائی جانے والی کرومنڈیل ایکسپریس پٹڑی سے اتر گئی اور مخالف ٹریک پر گری اور کئی افراد تاحال دبے ہوئے ہیں۔

جنوب مشرقی ریلویز کے جنرل منیجر ارچنا جوشی نے بتایا کہ میں اس وقت تفصیلات اور ہلاکتوں کی تعداد نہیں بتاسکتیں، میں دہلی میں تھا اور جائے حادثے کی طرف جا رہی ہوں۔

انہوں نے کہا کہ زخمیوں کی ایک بڑی تعداد کو ہسپتالوں میں منتقل کی جا رہی ہیں۔

ارچنا جوشی کا کہنا تھا کہ خراگپور اور دیگر قریبی اسٹیشنز سے ریلوے ریسکیو کی ٹیمیں جائے حادثے پر پہنچی ہیں، جہاں ریلیف اور ریسکیو کا کام جاری ہے۔

اوڈیسا کے وزیراعلیٰ نوین پارٹنیک نے کہا کہ حکام کی ترجیح زخمیوں کو ہسپتال پہنچانا اور ان کو طبی امداد فراہم کرنا ہے۔

وفاقی وزیر ریلوے ایشوینی ویشناؤ نے بتایا کہ اوڈیسا کے بھوبینشوار اور مغربی بنگال میں کولکتہ سے امدادی ٹیمیں بھیج دی گئی ہیں۔

انہوں نے کہا کہ نیشنل ڈیزاسٹر رسپانس فورس، ریاستی حکومتی ٹیمیں اور ایئرفورس بھی جائے حادثے پر متحرک ہیں۔

کارٹون

کارٹون : 23 جولائی 2024
کارٹون : 22 جولائی 2024