بنوں کینٹ بورڈ کے نوجوان سربراہ نے ’خودکشی‘ کر لی

اپ ڈیٹ 28 نومبر 2023
پولیس نے بتایا کہ متوفی کی لاش کو ڈسٹرکٹ ہیڈکوارٹرز ہسپتال بنوں منتقل کردیا گیا ہے —فوٹو:چوہدری سرور ایکس
پولیس نے بتایا کہ متوفی کی لاش کو ڈسٹرکٹ ہیڈکوارٹرز ہسپتال بنوں منتقل کردیا گیا ہے —فوٹو:چوہدری سرور ایکس

خیبر پختونخوا کے بنوں ڈویژن کے کنٹونمنٹ بورڈ کے نوجوان چیف ایگزیکٹو افسر بلال پاشا نے اپنی سرکاری رہائش گاہ کے اندر خود کو گولی مار کر مبینہ طور پر خودکشی کر لی۔

ڈان اخبار کی رپورٹ کے مطابق بلال پاشا کی مبینہ خودکشی کی خبر خیبر پختونخوا پولیس نے دی۔

پولیس حکام کا کہنا تھا کہ وہ واقعے کی اطلاع ملنے کے بعد بلال پاشا کی رہائش گاہ پر پہنچے تو انہیں خون میں لت پت پایا۔

انہوں نے مزید بتایا کہ متوفی کی لاش کو ڈسٹرکٹ ہیڈکوارٹرز ہسپتال بنوں منتقل کر دیا گیا ہے۔

کنٹونمنٹ تھانے کے ایس ایچ او رضا خان نے ڈان کو بتایا کہ انہوں نے واقعے کی انکوائری شروع کر دی ہے تاکہ یہ معلوم کیا جاسکے کہ اعلیٰ سرکاری افسر نے خودکشی کی ہے یا انہیں کسی نے قتل کیا ہے۔

پولیس افسر نے مزید بتایا کہ متوفی کے سر میں گولی لگی تھی۔

بلال پاشا کی نماز جنازہ کنٹونمنٹ بورڈ بنوں کے احاطے میں ادا کی گئی جس کے بعد ان کی میت کو تدفین کے لیے ان کے آبائی ضلع خانیوال پنجاب روانہ کردیا گیا۔

ضرور پڑھیں

وزیراعظم کا انتخاب کس طرح ہوتا ہے؟

وزیراعظم کا انتخاب کس طرح ہوتا ہے؟

وزارت عظمیٰ کے لیے اگر کوئی بھی امیدوار ووٹ کی مطلوبہ تعداد حاصل کرنے میں ناکام رہا تو ایوان زیریں کی تمام کارروائی دوبارہ سے شروع کی جائے گی۔

تبصرے (0) بند ہیں