• KHI: Fajr 4:14am Sunrise 5:44am
  • LHR: Fajr 3:19am Sunrise 4:58am
  • ISB: Fajr 3:14am Sunrise 4:58am
  • KHI: Fajr 4:14am Sunrise 5:44am
  • LHR: Fajr 3:19am Sunrise 4:58am
  • ISB: Fajr 3:14am Sunrise 4:58am

ایشیا کپ انڈر 19: پاکستان نے روایتی حریف بھارت کو 8 وکٹوں سے ہرا دیا

شائع December 10, 2023
اذان اویس نے 130 گیندوں پر 10 چوکوں کی مدد سے 105 رنز کی اننگز کھیلی — فوٹو بشکریہ پی سی بی
اذان اویس نے 130 گیندوں پر 10 چوکوں کی مدد سے 105 رنز کی اننگز کھیلی — فوٹو بشکریہ پی سی بی
پاکستان کی جانب سے لیفٹ آرم میڈیم باؤلر محمد Zیشان نے 4 جب کہ عبید شاہ اور عامر حسان نے دو، دو کھلاڑی کو آؤٹ کیا— فوٹو: پی سی بی ایکس
پاکستان کی جانب سے لیفٹ آرم میڈیم باؤلر محمد Zیشان نے 4 جب کہ عبید شاہ اور عامر حسان نے دو، دو کھلاڑی کو آؤٹ کیا— فوٹو: پی سی بی ایکس

ایشیا کپ انڈر 19 میں پاکستان نے اذان اویس کی شاندار سنچری کی بدولت روایتی حریف بھارت کو 8 وکٹوں سے شکست دے دی۔

دبئی میں کھیلے گئے آئی سی سی ایشیا کپ انڈر 19 کے پانچویں میچ میں پاکستان نے بھارت کے خلاف ٹاس جیت کر فیلڈنگ کرنے کا فیصلہ کیا۔

پہلے بیٹنگ کرتے ہوئے بھارت نے مقررہ 50 اوورز میں 259 رنز بنائے، بھارت کی جانب سے ارش سنگھ 62 رنز بنا کر سب سے کامیاب رہے، ان کے علاوہ ادے سہارن 60 اور سچن داس 58 رنز بنا کر نمایاں رہے۔

پاکستان کی جانب سے لیفٹ آرم میڈیم باؤلر محمد ذیشان نے 4 جب کہ عبید شاہ اور عامر حسان نے دو، دو کھلاڑی کو آؤٹ کیا۔

پاکستان نے 260 رنز کے ہدف کا تعاقب شروع کیا تو شمائل حسین صرف 8 رنز بنانے کے بعد مروگن ابھیشک کی وکٹ بن گئے۔

اس کے بعد شاہ زیب خان کا ساتھ دینے اذان اویس آئے اور دونوں نے بہترین کھیل پیش کرتے ہوئے دوسری وکٹ کے لیے 110 رنز کی ساجھے داری بنائی۔

بھارت کو دوسری کامیابی اس وقت ملی جب شاہ زیب 4 چوکوں اور تین چھکوں سے مزین 63 رنز بنانے کے بعد مروگن ابھیشک کی دوسری وکٹ بن گئے۔

دوسرے اینڈ سے اذان ڈٹے رہے اور اپنی نصف سنچری مکمل کرنے کے ساتھ ساتھ کپتان سعد بیگ کے ہمراہ ایک اور عمدہ شراکت قائم کی۔

اذان اور سعد نے تیسری وکٹ کے لیے ناقابل شکست 125 رنز کی شراکت بنا کر پاکستان کو تین اوورز قبل ہی 8 وکٹوں کی شاندار فتح سے ہمکنار کرا دیا۔

اذان اویس نے عمدہ بیٹنگ کرتے ہوئے 130 گیندوں پر 10 چوکوں کی مدد سے 105 رنز کی اننگز کھیلی اور آؤٹ نہیں ہوئے۔

کپتان سعد بیگ نے جارحانہ انداز میں بیٹنگ کی اور صرف 51 گیندوں پر 8 چوکوں اور ایک چھکے کی مدد سے 68 رنز کی باری کھیلی۔

عمدہ بلے بازی پر اذان اویس کو میچ کا بہترین کھلاڑی قرار دیا گیا۔

کارٹون

کارٹون : 21 جون 2024
کارٹون : 20 جون 2024