کراچی کے حلقہ این اے 248 سے امیر جماعت اسلامی کراچی حافظ نعیم الرحمٰن کے کاغذات نامزدگی منظور ہوگئے ہیں۔

ڈان نیوز کے مطابق کاغذات نامزدگی منظور ہونے کے بعد میڈیا سے گفتگو کرتے ہوئے ان کا کہنا تھا کہ سابق میئر کراچی نعمت اللہ خان کے دور میں ترقی ہوئی،کراچی گزشتہ کئی برس سے ترقی کے حوالے سے پیچھے رہ گیا ہے ، مسلم لیگ (ن) اور متحدہ قومی موومنٹ (ایم کیو ایم پاکستان) الیکشن سے پہلے ملتے ہیں اور بعد میں بھول جاتے ہیں، بلدیاتی الیکشن میں شب خون مارا گیا، ہماری اسکروٹنی کا عمل مکمل ہوچکا ہے۔

انہوں نے پاکستان مسلم لیگ (ن) پر تنقید کرتے ہوئے کہا کہ ان کو صرف انتخاب کے دوران ہی کراچی یاد آتا ہے ، مسلم لیگ (ن) کبھی ایم کیو ایم تو کبھی کسی اور پارٹی کے ساتھ کھڑے ہوکر غائب ہوجاتی ہے۔