چیئرمین نیب لیفٹیننٹ جنرل (ریٹائرڈ) نذیر احمد نے کہا ہے کہ تاجر بلاخوف و خطر معاشی چیلنجز سے نمٹنے کے لیے کام کریں، انہیں ہرممکن سہولیات فراہم کی جائیں گی۔

’ڈان نیوز‘ کے مطابق کراچی میں چیئرمین نیب لیفٹیننٹ جنرل (ریٹائرڈ) نذیر احمد نے تاجروں سے ملاقات کے دوران گفتگو کرتے ہوئے کہا کہ کراچی، لاہور اور اسلام آباد میں بزنس فیسیلیٹیشن سیل بنائے جائیں گے۔

انہوں نے کہا کہ تاجربرادری کو غیر ضروری دباؤ اور دھمکیوں سے محفوظ رکھا جائے گا، تاجر برادری کے خلاف زیر التوا تمام مقدمات کو جلد مکمل کیا جائے گا۔

چیئرمین نیب نے مزید کہا کہ تاجر بلاخوف و خطر معاشی چیلنجز سے نمٹنے کے لیے کام کریں، انہیں ہرممکن سہولیات فراہم کی جائیں گی۔