جنرل ساحر شمشاد مرزا کی سعودی وزیر دفاع شہزادہ خالد بن سلمان سے ملاقات
اپ ڈیٹ 06 فروری 2024
دوسرے عالمی دفاعی شو کے سلسلے میں دورہ سعودی عرب پر موجود چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے سعودی وزیر دفاع شہزادہ خالد بن سلمان بن عبدالعزیز السعود سے ملاقات کی۔
پاک فوج کے شعبہ تعلقات عامہ (آئی ایس پی آر) کے مطابق جنرل ساحر شمشاد مرزا اور سعودی وزیر دفاع کے درمیان ملاقات میں دونوں برادر ممالک کے درمیان دفاعی تعاون کو بڑھانے کے لیے اسٹریٹجک اور سیکیورٹی امور پر تبادلہ خیال کیا گیا۔
جنرل ساحر شمشاد مرزا نے دفاعی شو میں پاکستانی اسٹالز کا دورہ کیا اور ’الفتح ٹو‘ مزائل کے اسٹال کا بھی افتتاح کیا۔
چیئرمین جوائنٹ چیفس آف اسٹاف کمیٹی جنرل ساحر شمشاد نے سعوی عرب کے چیف آف جنرل اسٹاف جنرل فیاض بن حمید الرویلی اور چیف آف رائل سعودی لینڈ فورسز لیفٹیننٹ جنرل فہد بن عبدالعزیز المطر سے بھی الگ الگ ملاقاتیں کیں۔
تبصرے (0) بند ہیں