• KHI: Asr 5:19pm Maghrib 7:21pm
  • LHR: Asr 5:01pm Maghrib 7:04pm
  • ISB: Asr 5:10pm Maghrib 7:14pm
  • KHI: Asr 5:19pm Maghrib 7:21pm
  • LHR: Asr 5:01pm Maghrib 7:04pm
  • ISB: Asr 5:10pm Maghrib 7:14pm

الانا حدید نے فلسطین کا کیس دنیا کے سامنے لانے کے لیے فلم پروڈکشن کمپنی متعارف کرادی

شائع April 6, 2024
—فوٹو: اے ایف پی
—فوٹو: اے ایف پی

سپر ماڈلز بیلا اور جی جی حدید کی بہن فیشن ڈیزائنر اور فلم پروڈیوسر الانا حدید نے فلسطین کا کیس دنیا کے سامنے لانے کے لیے واٹر میلون پکچر نامی فلم پروڈکشن کمپنی متعارف کرادی۔

شوبز ویب سائٹ ڈیڈ لائن کے مطابق الانا حدید نے اپنی فلم پروڈکشن کمپنی کا لوگو فلسطین کے جھنڈے سے مشابہت رکھنے والے تربوز کو رکھا ہے جب کہ اس نے کمپنی کا نام بھی واٹر میلون پکچر رکھ دیا۔

کمپنی کے انسٹاگرام پر کچھ دستاویزی فلموں کے ٹیزر بھی شیئر کیے گئے، جن میں فلسطین پر مظالم کی تاریخ اور فلسطینیوں کر اپنی ہی زمین پر لاوارث کرنے کی داستانیں دکھائی گئی ہیں۔

ڈیڈلائن کے مطابق الانا حدید کی فلم پروڈکشن کمپنی کے تحت پہلی فلم فلسطین پر اسرائیلی قبضے اور مظالم کی تاریخ پر مبنی دستاویزی فلم (Walled Off) ریلیز کی جائے گی۔

واٹر میلون پکچر کے انسٹاگرام پر شیئر کیے گئے دستاویزی فلموں کے پرومو میں بتایا گیا کہ اب پروڈکشن کمپنی دنیا کو فلسطین کا کیس دکھانے کے لیے میدان میں موجود رہے گی اور ہر پلیٹ فارم پر فلسطین کا قصہ اپنے انداز میں حقائق کے ساتھ پیش کیا جائے گا۔

کارٹون

کارٹون : 24 جولائی 2024
کارٹون : 23 جولائی 2024