• KHI: Asr 5:17pm Maghrib 7:24pm
  • LHR: Asr 5:01pm Maghrib 7:11pm
  • ISB: Asr 5:10pm Maghrib 7:21pm
  • KHI: Asr 5:17pm Maghrib 7:24pm
  • LHR: Asr 5:01pm Maghrib 7:11pm
  • ISB: Asr 5:10pm Maghrib 7:21pm

آئرلینڈ سے پہلے ٹی 20 میچ میں شکست کو کوئی بھی قبول نہیں کر رہا، محسن نقوی

شائع May 12, 2024
فائل فوٹو: ایکس
فائل فوٹو: ایکس

چئیرمین پاکستان کرکٹ بورڈ (پی سی بی) محسن نقوی نے کہا ہے کہ آئرلینڈ سے پہلے میچ میں شکست کو کوئی بھی قبول نہیں کر رہا۔

آئرلینڈ کے خلاف پہلے ٹی 20 میچ میں قومی ٹیم کی شکست کے بعد چیئرمین پی سی بی محسن نقوی دو روزہ دورے پر گزشتہ روز ڈبلن پہنچے تھے۔

محسن نقوی نے کھلاڑیوں سے 2 گھنٹے طویل ملاقات کی اور حکمت عملی پر تفصیلی مشاورت کی۔

ملاقات کے دوران محسن نقوی نے کھلاڑیوں کا حوصلہ بڑھایا اور محنت، جذبے اور پروفیشنل اپروچ کے ساتھ کھیلنے کی تلقین کی۔

چیئرمین پی سی بی نے کہا کہ ٹی ٹوئنٹی کرکٹ یکسر مختلف اور جارحانہ اپروچ کی حامل ہے، جدید اور نئے انداز کے مطابق کھیل کر ہی جیت ممکن ہو گی۔

انہوں نے مزید کہا کہ کمرے میں بیٹھ کر حکمت عملی ترتیب دی جا سکتی ہے لیکن اصل امتحان میدان میں ہوتا ہے، بلاشبہ تمام کھلاڑی باصلاحیت، پروفیشنل اور بہترین ہیں۔

محسن نقوی نے کہا کہ قومی ٹیم کا باؤلنگ اٹیک شاندار ہے، فیلڈنگ پر بہت توجہ کی ضرورت ہے تاکہ مخالف ٹیم کو کوئی بھی چانس نہ مل سکے۔

انہوں نے یہ بھی کہا کہ آئرلینڈ سے پہلے میچ میں شکست کو کوئی بھی قبول نہیں کر رہا، آئرلینڈ اور انگلینڈ کے بعد اصل امتحان ورلڈکپ ہے۔

واضح رہے کہ پاکستان اور آئرلینڈ کے درمیان 3 میچز کی ٹی ٹوئنٹی سیریز کا دوسرا میچ آج کھیلا جائے گا۔

10 مئی کو پہلے میچ میں آئرلینڈ نے پاکستان کو 5 وکٹوں سے شکست دی تھی۔

یہاں یہ بات بھی قابل ذکر ہے کہ امریکا اور ویسٹ انڈیز میں شیڈول ورلڈ کپ میں بھی آئرلینڈ پاکستان کے ہی گروپ میں ہے۔

کارٹون

کارٹون : 21 جون 2024
کارٹون : 20 جون 2024