کراچی پریس کلب کے باہر اساتذہ کا احتجاج، پولیس کا لاٹھی چارج، متعدد مظاہرین زیر حراست
کراچی پریس کلب کے باہر اساتذہ نے مستقل نہ کیے جانے کے خلاف احتجاج کیا جس کے دوران پولیس نے لاٹھی چارج کرکے متعدد مظاہرین کو حراست میں لے کر وزیر اعلیٰ ہاؤس جانے سے روک دیا۔
’ڈان نیوز‘ کی رپورٹ کے مطابق کراچی پریس کلب کے باہر این سی ایچ اور بیسک ایجوکیشن کے اساتذہ کی جانب سے احتجاج کیا گیا، احتجاج میں مرد اور خواتین اساتذہ بڑی تعداد شامل رہی۔
رپورٹ کے مطابق مظاہرین نے وزیرا علیٰ ہاؤس جانے کی کوشش کی تو پولیس نے لاٹھی چارج کرکے متعدد مظاہرین کو حراست میں لے کر آگے جانے سے روک دیا۔
مظاہرین نے مطالبہ کیا کہ ہمیں مستقل کیا جائے اور پرائمری اساتذہ کی طرح 14 اسکیل دیا جائے، سروس رولز کے مطابق اساتذہ کی ریٹائرمنٹ کی عمر 60 سال کی جائے اور آنے والے بجٹ میں تنخواہوں میں سو فیصد اضافہ کیا جائے۔
احتجاج کے دوران اساتذہ کی جانب سے مطالبات کے حق میں نعرے بازی بھی کی گئی۔
لائیو ٹی وی