• KHI: Maghrib 7:24pm Isha 8:53pm
  • LHR: Maghrib 7:10pm Isha 8:50pm
  • ISB: Maghrib 7:21pm Isha 9:05pm
  • KHI: Maghrib 7:24pm Isha 8:53pm
  • LHR: Maghrib 7:10pm Isha 8:50pm
  • ISB: Maghrib 7:21pm Isha 9:05pm

کم عمری کی وجہ سے عمران ہاشمی کے ساتھ فلم کرنے سے انکار کیا تھا، سونیا حسین

شائع June 8, 2024
—اسکرین شاٹ
—اسکرین شاٹ

مقبول اداکارہ سونیا حسین نے انکشاف کیا ہے کہ انہیں متعدد بولی وڈ فلموں میں کام کی پیش کش ہوئی جب کہ انہوں نے عمران ہاشمی کے ساتھ بھی کم عمر ہونے کی وجہ سے بھی فلم میں کام کرنے سے انکار کردیا تھا۔

سونیا حسین نے انڈیپینڈنٹ اردو کو انٹرویا دیا، جس میں انہوں نے اپنے شوبز کیریئر پر کھل کر بات کی۔

اسی انٹرویو کی وائرل ہونے والی ایک مختصر کلپ میں انہوں نے دعویٰ کیا کہ ماضی میں انہیں متعدد بھارتی فلموں میں کام کی پیش کش ہو چکی ہے۔

سونیا حسین کے مطابق انہیں معروف انگریزی ناول نگار شیکسپیئر کے ناول پر بنائی جانے والی ایک بولی وڈ میں کام کی پیش کش ہوئی تھی۔

انہوں نے بتایا کہ انہیں معروف بھارتی اداکار سنتوش کمار کی پرانی فلم کے ریمیک میں بھی کام کرنے کی پیش کش ہوئی تھی۔

سونیا حسین نے ہسنتے ہوئے بتایا کہ انہیں بولی وڈ کے رومانوی ہیرو عمران ہاشمی کے ساتھ بھی فلم میں کام کرنے کی پیش کش ہوئی تھی اور اس حوالے سے ان کی فلم کی ٹیم سے متعدد ملاقاتیں اور مذاکرات بھی ہوئے۔

اداکارہ کا کہنا تھا کہ بعد ازاں پاکستان اور بھارت کے درمیان کشیدگی ہوئی اور دونوں ممالک میں کام ہونا بند ہوگیا جب کہ انہوں نے کم عمر ہونے کی وجہ سے بھی عمران ہاشمی کے ساتھ فلم میں کام کرنے سے انکار کیا تھا۔

انہوں نے ہنستے ہوئے بتایا کہ جس وقت انہیں عمران ہاشمی کے ساتھ کام کی پیش کش ہوئی تھی، اس وقت وہ جوان تھیں اور ان پر سختیاں بھی تھیں، والدہ ان کے ہمراہ شوٹنگ سیٹ پر آتی تھیں اور ان کی پڑھائی بھی چل رہی تھی۔

ان کا کہنا تھا کہ کم عمر ہونے کی وجہ سے بھی انہوں نے عمران ہاشمی کے ساتھ فلم میں کام کرنے سے معذرت کی اور اس وقت ان کے گھر میں ان پر کچھ پابندیاں بھی تھیں۔

اگرچہ سونیا حسین نے دعویٰ کیا کہ انہیں عمران ہاشمی کے ساتھ بھی کام کی پیش کش ہوئی تھی لیکن انہوں نے یہ واضح نہیں کیا کہ انہیں بولی وڈ اداکار کے ساتھ کس فلم میں کام کی آفر ہوئی تھی؟

کارٹون

کارٹون : 17 جون 2024
کارٹون : 16 جون 2024