اپٹما نے بجٹ میں ٹیکسٹائل کی صنعت پر بھاری ٹیکسوں کے نفاذ کو مسترد کردیا
آل پاکستان ٹیکسٹائل ملز ایسوسی ایشن (اپٹما) نے بجٹ میں ٹیکسٹائل کی صنعت پر بھاری ٹیکسوں کے نفاذ کو مسترد کر دیا۔
اسلام آباد میں پریس کانفرنس کرتے ہوئے آل پاکستان ٹیکسٹائل ملز ایسوسی ایشن کے عہدیداران نے کہا کہ بجٹ میں ٹیکسٹائل کی صنعت پر عائد کیے گئے بھاری ٹیکس ناقابل برداشت ہیں۔
انہوں نے کہا کہ ان ٹیکسوں کے نفاذ سے ملک میں ٹیکسٹائل کی صنعت کو شدید دھچکا لگے گا۔
اپٹما نے برآمدی ٹیکسٹائل شعبے پر زیرو ریٹنگ ختم کرنے، کاٹن پر 2 فیصد اضافی کسٹم ڈیوٹی عائد کرنے، برآمدات پر 2 فیصد ایڈوانس ٹیکس کے نفاذ اور صنعت سے متعلق بقایہ جات کی ادائیگی کے لیے فنڈز مختص نہ کرنے کے حکومتی اقدامات پر شدید تنقید کی ہے۔
لائیو ٹی وی