آرمی چیف جنرل عاصم منیر کا نیشنل کاؤنٹر ٹیررازم سینٹر کا دورہ
چیف آف آرمی اسٹاف جنرل سید عاصم منیر نے نیشنل کاؤنٹر ٹیررازم سینٹر پبی کا دورہ کیا اور پاک-چین مشترکہ مشق واریئر 8 کا جائزہ لیا۔
پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق چیف آف آرمی اسٹاف جنرل سید عاصم منیر نے پاک فوج اور چین کی پیپلز لبریشن فوج کے درمیان مشترکہ مشق واریئر 8 کے شرکا سے بات چیت کی۔
آئی ایس پی آر نے بتایا کہ آرمی چیف کو مشق کے دائرہ کار کے بارے میں بریفنگ دی گئی، جنرل سید عاصم منیر نے مشق کے شرکا سے بات چیت بھی کی، انہوں نے مشترکہ مشق کے دوران شرکا کی پیشہ وارانہ مہارت اور بلند حوصلے کو سراہا۔
پاک-چین مشترکہ مشق واریئر 8 کا آغاز 19 نومبر 2024 کو ہوا، مشترکہ انسداد دہشت گردی کی تین ہفتے طویل مشقیں سالانہ منعقد کی جاتی ہیں، اور یہ آٹھویں مشق ہے۔
قبل ازیں، آرمی چیف نیشنل کاؤنٹر ٹیررازم سینٹر پبی پہنچنے، جہاں کمانڈر راولپنڈی کور نے ان کا استقبال کیا۔
لائیو ٹی وی