ہانیہ عامر کے بعد دیدار اور نرگس نے بھی راکھی ساونت کو چیلنج پر جواب دیدیا
بھارتی اداکارہ راکھی ساونت کے ڈانس چیلنج پر اداکارہ ہانیہ عامر کے بعد اب ڈانسر و اداکارہ دیدار اور نرگس نے بھی انہیں جواب دے دیا۔
کچھ دن قبل پاکستانی یوٹیوبر کو دیے گئے انٹرویو میں راکھی ساونت نے ہانیہ عامر، ڈانسر نرگس اور دیدار کو پاکستانی گانوں پر ڈانس کے مقابلے کا چیلنج دیا تھا۔
راکھی ساونت نے پاکستانی ڈانسرز اور اداکاراؤں کو ڈانس چیلنج کرتے ہوئے دعویٰ کیا تھا کہ وہ پاکستانی رقاصاؤں کو پیچھے چھوڑ دیں گی۔
راکھی ساونت کا کہنا تھا کہ وہ ہانیہ عامر، ڈانسر دیدار اور رقاصہ نرگس کو بیک وقت پیچھے چھوڑ دیں گی، پاکستانی اداکارائیں ان جیسا ڈانس نہیں کر سکتیں۔
ان کا کہنا تھا کہ وہ مسلسل 24 گھنٹے تک ڈانس کر سکتی ہیں اور ان کا چیلنج ہے کہ کوئی بھی ان سے ڈانس میں آگے نہیں جا سکتا۔
بھارتی اداکارہ کا یہ بھی کہنا تھا کہ اگر وہ اور پاکستانی اداکارائیں ڈانس مقابلہ کریں گی تو دیکھنے والے پانی پانی ہوجائیں گے، ان سے ڈانس دیکھا نہیں جائے گا۔
Welcome rakhi jee❤️#deedar
ان کے ڈانس چیلنج پر ہانیہ عامر نے پہلے ہی دلچسپ رد عمل کا اظہار کیا تھا اور اب دیدار اور نرگس نے بھی اپنا رد عمل دے دیا اور دونوں کی ویڈیوز وائرل ہوگئی۔
اداکارہ دیدار نے اپنے ٹک ٹاک پر راکھی ساونت کے انٹرویو کی آڈیو کلپ پر اپنی ویڈیو شیئر کی۔ دیدار نے راکھی ساونت کی آواز پر لپسنگ کی، انہوں نے ہانیہ عامر کے لپسنگ کے انداز کو کاپی کیا۔
ان کی طرح ماضی کی مقبول ڈانسر نرگس نے بھی راکھی ساونت کی آڈیو کلپ شیئر کرتے ہوئے اس پر لپسنگ کی اور ساتھ ہی انہوں نے بھارتی اداکارہ سے معذرت کی۔
نرگس نے راکھی ساونت کی آڈیو کلپ کے ساتھ بتایا کہ انہوں نے شوبز سے کنارہ کشی اختیار کرلی ہے، وہ ڈانس چیلنج قبول نہیں کر سکتیں۔
لائیو ٹی وی