شمالی وزیرستان میں تیل اور گیس کے مزید ذخائر دریافت
ملک میں گیس اور تیل کے مزید ذخائر دریافت ہوگئے، ماڑی انرجیز لمیٹڈ نے شمالی وزیرستان سےگیس اور تیل کی دوسری دریافت کا اعلان کردیا۔
ماڑی انرجیز لمیٹڈ کے مطابق دریافت سے 2 کروڑ 5 لاکھ مکعب فٹ یومیہ گیس اور 117 بیرل خام تیل حاصل ہوگا۔
ماڑی انرجیز کے مطابق گیس اور تیل کی دریافت وزیرستان بلاک سے ہوئی، دریافت سے یومیہ 2 کروڑ 5 لاکھ مکعب فٹ گیس اور یومیہ 117 بیرل خام تیل بھی حاصل ہوگا۔
واضح رہے کہ ماڑی انرجیز نےگزشتہ ماہ وزیرستان بلاک سےگیس اور تیل کی دریافت کا اعلان کیا تھا، پہلی دریافت سےایک کروڑ 30 لاکھ مکعب فٹ یومیہ گیس حاصل ہونے کا تخمینہ لگایا گیا تھا۔
پہلی دریافت سے ابتدائی طور پر یومیہ 20 بیرل خام تیل حاصل ہونےکا تخمینہ لگایا گیا تھا، ماڑی انرجیز کا سابقہ نام ماڑی پیٹرولیم تھا۔
لائیو ٹی وی