وفاقی وزیر امیر مقام کے قافلے میں شامل گاڑی کو حادثہ، 5 افراد زخمی
وفاقی وزیر برائے امور کشمیر و گلگت بلتستان انجینئر امیر مقام کے قافلے کی گاڑی مری کے قریب حادثے کا شکار ہوگئی، جس کے نتیجے میں 5 افراد زخمی ہوگئے، تاہم وفاقی وزیر محفوظ رہے۔
ڈان نیوز کے مطابق زخمیوں کو فوری طور پر سی ایم ایچ مری منتقل کر دیا گیا، حادثے کے بعد انجینئر امیر مقام نے زخمیوں کی عیادت کی اور مکمل علاج کی ہدایت کی۔
اس موقع پر امیر مقام کا کہنا تھا کہ اللہ کا شکر ہے جان کا کوئی نقصان نہیں ہوا، انہوں نے زخمی ساتھیوں سے مکمل یکجہتی کا اظہار کیا اور ہر ممکن تعاون کی یقین دہانی کرائی۔
واضح رہے کہ آزاد کشمیر کا کامیاب دورہ مکمل کرنے کے بعد واپسی پر حادثہ پیش آیا۔
لائیو ٹی وی