اسلام آباد: وزیر خارجہ اسحٰق ڈار کا ترکیہ ہم منصب حکان فیدان سے رابطہ
نائب وزیر اعظم و وزیر خارجہ اسحٰق ڈار نے پاک بھارت کشیدگی اور خطے کی موجودہ صورتحال پر ترکیہ ہم منصب حکان فیدان سے رابطہ کیا ہے۔
ڈان نیوز کے مطابق ترجمان دفتر خارجہ کا کہنا ہے کہ نائب وزیراعظم اسحٰق ڈار نے ترک وزیرخارجہ حکان فیدان سے رابطہ کیا ہے، اسحٰق ڈار نے ترک وزیر خارجہ کو بھارتی جارحیت اور پاکستان کے ردعمل سے آگاہ کیا۔
ترجمان دفتر خارجہ کے مطابق ترکیہ کے وزیر خارجہ نے پاکستان کے ذمہ دارانہ اور محتاط ردعمل کو سراہا، دونوں وزرائے خارجہ نے قریبی رابطہ برقرار رکھنے پر اتفاق کیا۔
لائیو ٹی وی