ملک بھر کے 47 ماحولیاتی نمونوں میں پولیو وائرس کی تصدیق
پولیو کی جانچ کے لیے ملک بھر سے مئی میں جمع کیے گئے 116 ماحولیاتی نمونوں میں سے 47 میں پولیو وائرس کی تصدیق ہوئی ہے۔
پاکستان انسداد پولیو پروگرام کے مطابق 69 ماحولیاتی نمونوں میں پولیو وائرس کی تصدیق نہیں ہوئی، پولیو وائرس 34 اضلاع کے ماحولیاتی نمونوں میں پایا گیا ہے۔
سندھ کے 14 اضلاع میں پولیو وائرس کی تصدیق ہوئی ہے، خیبرپختونخوا کے 8، بلوچستان کے 6، پنجاب کے 4 اضلاع میں پولیو وائرس کی تصدیق ہوئی۔
گلگت بلتستان کے ایک ضلع کا ماحولیاتی نمونہ مثبت پایا گیا جبکہ اسلام آباد کے ماحولیاتی نمونے میں بھی پولیو وائرس پایا گیا۔
تمام ماحولیاتی نمونوں میں جنگلی پولیو وائرس ٹائپ ون پایا گیا ہے۔
پاکستان انسداد پولیو پروگرام نے کہا کہ ملک بھر میں 47 ماحولیاتی نمونوں میں پولیو وائرس کی موجودگی تشویشناک ہے، پولیو وائرس کی موجودگی بچوں کی صحت کے لیے سنگین خطرہ ہے، والدین بچوں کو بار بار پولیو کے قطرے ضرور پلائیں۔
لائیو ٹی وی