ٹک ٹاکر سجل ملک اپنے ہونیوالے شوہر میں کیا خصوصیات دیکھنا چاہتی ہیں؟
ٹک ٹاکر و ٹی وی میزبان سجل ملک نے اپنے ہونے والے شوہر سے متعلق لب کشائی کی ہے۔
حال ہی میں سجل ملک نے ’سنو ٹی وی‘ کے ایک پروگرام میں شرکت کی، جہاں انہوں نے مختلف معاملات پر کھل کر گفتگو کی۔
ایک سوال کے جواب میں سجل ملک نے کہا کہ روڈ شوز کے دوران سب سے ضروری بات یہ ہوتی ہے کہ لوگوں پر زیادہ توجہ نہ دی جائے، اگر وہ کچھ کہہ بھی رہے ہوں تو نظر انداز کر دینا بہتر ہوتا ہے۔
انہوں نے مزید کہا کہ زیادہ تر لوگ اچھے ہوتے ہیں، بہت کم ایسے ہوتے ہیں جو نامناسب بات کرتے ہیں، اس لیے وہ ایسی باتوں کو سنجیدگی سے نہیں لیتیں۔
میزبان کے مطابق وہ پڑھائی میں زیادہ اچھی نہیں تھیں اور اکثر امتحانات میں نقل کیا کرتی تھیں اور اس سلسلے میں ان کی بہن ان کی مدد کرتی تھیں۔
سجل ملک نے کہا کہ ان کا ہونے والا شوہر وفادار اور سچ بولنے والا ہونا چاہیے، تاکہ وہ اس کے ساتھ سکون سے زندگی گزار سکیں۔
انہوں نے کہا کہ لڑکے کی آمدنی اتنی ہونی چاہیے کہ وہ ان کی روزمرہ کی ضروریات پوری کر سکے، بس ایک شرط یہ ہے کہ وہ پڑھا لکھا ہو۔
ان کا مزید کہنا تھا کہ آج کل کی لڑکیوں کی ڈیمانڈز بہت زیادہ ہوتی ہیں، لیکن ان کی اپنی خواہشات اتنی زیادہ نہیں ہیں۔
لائیو ٹی وی