ساؤتھ ایشین کراٹے چیمپئن شپ میں دو پاکستانی کھلاڑیوں نے گولڈ میڈل جیت لیے
سری لنکا میں جاری ساؤتھ ایشین کراٹے چیمپئن شپ میں پاکستان کے دو کھلاڑیوں نے گولڈ میڈل جیت لیے۔
ڈان نیوز کے مطابق ساؤتھ ایشین کراٹے چیمپئن شپ میں پاکستان نے میدان مارلیا، پہلے انڈر 10 کیٹیگری میں حذیفہ ارشد نے کیڈت انفرادی کاتا میں گولڈ میڈل اپنے نام کیا۔
اس کے بعدآئینہ نوئیل نے پاکستان کے لیے گولڈ میڈل جیت لیا، آئینہ نوئیل نے انڈر 12 پلس 40 کے جی کلاس میں گولڈ میڈل جیتا۔
ان فتوحات کے بعد دو گولڈ، ایک سلور اور سات برانز کے ساتھ ٹورنامنٹ میں پاکستانی کھلاڑیوں کے حاسل کردہ میڈلز کی تعداد 10 ہوگئی ہے۔
سری لنکا کے دارالحکومت ولمبو میں جاری ایونٹ میں بھارت، سری لنکا، بنگلہ دیش، نیپال اور بھوٹان شامل ہیں۔
لائیو ٹی وی