سونے کی قیمتوں میں آج پھر سیکڑوں روپے کا اضافہ
ملک بھر آج پھر سونے کی فی تولہ قیمت میں 1600 روپے کا اضافہ ہو گیا۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط فی تولہ سونے کی قیمت ایک ہزار 600 روپے بڑھ کر 3 لاکھ 59 ہزار 700 روپے ہو گئی۔
اسی طرح 24 قیراط 10 گرام سونا 1,371 روپے مہنگا ہو کر 3 لاکھ 8 ہزار 384 روپے تک جاپہنچا جبکہ 22 قیراط 10 گرام سونا 1,257 روپے اضافے سے 2 لاکھ 82 ہزار 695 روپے میں فروخت ہوا۔
چاندی کے فی تولہ اور 10 گرام کی قیمت میں بالترتیب 65 اور 55 روپے کا اضافہ ہوا، جس کے بعد قیمت 4 ہزار 87 روپے اور 3 ہزار 503 روپے ہوگئی۔
بین الاقوامی مارکیٹ میں سونے کی قیمت میں 16 ڈالر اضافے سے 3 ہزار 372 ڈالر ہو گئی۔
لائیو ٹی وی