ورلڈ ماسٹر اسنوکر چیمپئن شپ، محمد آصف بھارتی حریف کو شکست دے کرعالمی چیمپئن بن گئے
پاکستانی کیوئسٹ محمد آصف نے آئی بی ایس ایف ورلڈ ماسٹر اسنوکر چیمپئن میں تاریخی کامیابی حاصل کر لی، فائنل مقابلے میں محمد آصف نے بھارتی حریف برجیش دمانی کو 3-4 فریم سے شکست دے کر ٹائٹل اپنے نام کر لیا ہے۔
بحرین کے دارالحکومت مناما میں جاری چیمپئن شپ کے فائنل مقابلے میں ابتدائی 2 فریم قومی کیوئسٹ محمد آصف نے اپنے نام کیے، تاہم لگاتار 3 فریمز میں بھارتی حریف نے محمد آصف کو شکست دے کر مقابلہ 2-3 کر کے برتری حاصل کر لی۔
عالمی چیمپئن نے ایک بار پھر شاندار کم بیک کرتے ہوئے اگلے دونوں فریم جیت کر مقابلہ 3-4 سے اپنے نام کر لیا۔
قبل ازیں، پاکستانی کیوئسٹ حسنین اختر نے بھی مناما میں جاری چیمپئن شپ کے دوران انڈر 17 کا ورلڈ ٹائٹل جیت لیا ہے۔
فائنل مقابلے میں قومی کیوئسٹ محمد حسنین نے ویلز کے رائلی پاول کو یک طرفہ مقابلے میں سے0-4 سے شکست دے کر ٹائٹل اپنے نام کیا۔ 16 سالہ حسنین اختر نے کھیل کے آغاز کے ساتھ ہی بہترین کھیل کا مظاہرہ کرتے ہوئے حریف کھلاڑی کو سنبھلنے کا موقع ہی نہیں دیا۔
لائیو ٹی وی