14 اگست دھرنا وبغیر اجازت کانفرنس کیس، 12 ملزمان کا جوڈیشل ریمانڈ منظور
ڈسٹرکٹ اینڈ سیشن کورٹس اسلام آباد نے 14 اگست دھرنے اور بغیر اجازت کانفرنس کیس میں 12 ملزمان کو 14 روزہ جوڈیشل ریمانڈ پر جیل بھیج دیا۔
ڈان نیوز کے مطابق ڈسٹرکٹ اینڈ سیشن کورٹس اسلام آباد میں جوڈیشل مجسٹریٹ نے سماعت کی، پولیس نے گرفتار ملزمان کو ڈیوٹی جج اور جوڈیشل مجسٹریٹ عمران امیر عباسی کی عدالت میں پیش کیا۔
پولیس نے ملزمان کے مزید جسمانی ریمانڈ کی استدعا کی، تفتیشی افسر نے عدالت کو بتایا کہ ملزموں نے پولیس سے اسلحہ چھیننے اور اہلکاروں پر حملے کی کوشش کی، جبکہ ان کے قبضے سے سامان برآمد کرنا باقی ہے۔
وکیل صفائی نے تمام ملزمان کو مقدمے سے ڈسچارج کرنے کی درخواست کی۔
عدالت نے دلائل سننے کے بعد 12 ملزمان کو 14 روزہ جوڈیشل ریمانڈ پر جیل بھیج دیا۔
لائیو ٹی وی