حالیہ جنگ میں بھارت کی ہر حکمت عملی کا ہمیں پہلے سے پتا چل جاتا تھا، وزیر داخلہ
وفاقی وزیر داخلہ محسن نقوی نے کہا ہے کہ حالیہ جنگ میں بھارت کی ہر حکمت عملی کا ہمیں پہلے سے پتا چل جاتا تھا، دراصل ہماری انٹیلی جنس ایجنسیوں نے بہترین کام کیا۔
لاہور میں سیمنار سے خطاب وفاقی وزیر داخلہ کا کہنا تھا کہ بھارت کھلے عام پاکستان میں دہشت گردی کروا رہا ہے، نائن الیون سے لے کر آج تک کی دہشت گردی کا بینفشری انڈیا ہے۔
انہوں نے کہا کہ پاک-بھارت جنگ کے دوران بھارت کے تمام چیف الگ الگ مودی سے مل رہے تھے ان کے پائلٹ تیار نہیں تھے لیکن ہماری مسلح افواج نے بھارتی جارحیت کا منہ توڑ جواب دیا اور ہماری تمام سیاسی جماعتیں متحد تھی۔
محسن نقوی نے کہا کہ اجیت دوول اور امت شاہ اصل میں پورے ڈرامے کے پیچھے تھے، یہ دونوں خود بھی ڈوبیں گے اور مودی کو بھی لے ڈوبیں گے۔
ان کا کہنا تھا کہ پاک-بھارت جنگ میں انٹیلی جنس ایجنسیز نے پس پردہ بہترین کام کیا، جنگ میں بھارت کی ہر پلاننگ ہمارے پاس بہت پہلے پہنچتی رہی۔
انہوں نے کہا کہ ہمیں اللہ کی مدد حاصل تھی، بھارت نے ہماری اہم بیس پر 7 مزائل فائز کئے، ان میزائلوں میں سے کوئی بیس پر نہیں گرا، ہماری جس بیس پر قیمتی اثاثے موجود تھے وہاں کوئی بھارتی میزائل نہیں گرا۔
ان کا کہنا تھا کہ اس کے برعکس ہم نے جب بھارت پر میزائل فائر کیے تو وہ کچھ تبدیلی کے باوجود بڑے آئل ڈپو پر جاکر لگا، ہم نے 26 مقامات پر مزائل فائز کئے سب ٹارگٹ پر لگے، بھارت مرسڈیز اور پاکستان ڈمپر کی طرح ہے، سب کو پتا ہے ٹکر سے کیا ہوگا۔
وزیر داخلہ نے کہا کہ بھارتی طیاروں کے گرنے کے ثبوت منٹوں میں ہمارے پاس آئے، بھارتی جہاز گرانے پر فیصلہ کیا ویڈیو آنے سے پہلے اعلان نہیں کریں گے، جب ان کے جہاز گرے تو ان کے ثبوت ہمارے پاس ان کے میڈیا سے پہلے آگئے، ہمارے پاس 6 جہازوں کے گرنے کے ثبوت موجود ہے۔
ان کا کہنا تھا کہ خاموش اور پس پردہ مجاہدوں کو خراج تحسین پیش کرتا ہوں، جب کہ چند لوگ انٹیلی جنس ایجنسیوں کو برا بھلا کہنے سے باز نہیں آتے۔
لائیو ٹی وی