'اڑنے والی مینڈک کی نئی قسم دریافت'
اڑنے والی مینڈک کی نئی قسم دریافت- آن لائن فوٹو
سڈنی: آسٹریلیا کے ماہر حیوانات نے مینڈک کی ایک نئی قسم دریافت کر لی۔
آسٹریلوی ریسرچر جوڈی رولی کے مطابق نئی قسم کی مینڈک کا پیٹ سفید اور آنکھوں کا زیادہ حصہ سفید رنگ کا ہے۔
اڑنے والی مینڈک کی دیگر اقسام کی طرح اس مینڈک کے پاؤں کی انگلیوں کے درمیان جھلی ہے جو مینڈک کے چھلانگ لگانے کے بعد پیراشوٹ کی طرح کام کرتی ہے۔
یہ مینڈک عموماً درختوں پر بسیرا کرتی ہے اور ویتنام میں پائی جاتی ہے۔
نئی مینڈک کا قد 4 انچ کے لگ بھگ ہے اور یہ ہوچی من سٹی کے نواحی علاقے میں دھان کے کھیتوں کے قریب پائی جاتی ہے۔
جوڈی رولی کے مطابق اس دریافت کا ایک حیرت انگیز پہلو یہ بھی ہے کہ نئی قسم کی مینڈک جنوبی ایشیا کے چند بہت بڑے شہروں میں سے ایک ہوچی من سٹی سے صرف 90 کلو میٹر کے فاصلے پر موجود تھی۔
لائیو ٹی وی