خضدار میں ٹریفک حادثہ، 8 مسافر ہلاک
کوئٹہ: بلوچستان کے ضلع خضدار میں ایک ٹریفک حادثے میں کم از کم آٹھ مسافر ہلاک جبکہ 11 زخمی ہو گئے۔
لیویز حکام نے ڈان نیوز کو بتایا کہ کراچی جانے والی مسافر کوچ ،اورناچ علاقے میں سامنے سے آنے والے ایک آئل ٹینکر سے ٹکرا گئی۔
زخمیوں میں خواتین اور بچے بھی شامل ہیں، جنہیں خضدار اور لسبیلہ کے ہسپتالوں میں منتقل کر دیا گیا۔
لیویز حکام کے مطابق، ڈرائیور تیز رفتاری کی وجہ سے کوچ پر قابو نہیں رکھ سکا، جس کی وجہ سے حادثہ پیش آیا۔
لیویز اہلکاروں کے جائے حادثہ پر پہنچنے تک کئی جانیں ضائع ہو چکی تھیں۔ جائے حادثہ کو گھیرے میں لے کر تحقیقات شروع کر دی گئیں۔
آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں
لائیو ٹی وی