صحتغذ١کاروبارموبائل فون‎حیرت انگیزغزہ المیہ

خانیوال: چینی مزدوروں کا سیکیورٹی اہلکاروں پر تشدد، قومی شاہراہ بلاک

سجاد اکبر شاہ | ویب ڈیسکاپ ڈیٹ 04 اپريل 2018

خانیوال: صوبہ پنجاب کے ضلع بہاولپور سے فیصل آباد جانے والی قومی شاہراہ ایم فور موٹروے کی تعمیر کرنے والے چینی انجینیئرز کا سیکیورٹی پولیس کے ساتھ تنازع شدت اختیار کرگیا، جنہوں نے سیکیورٹی اہلکاروں پر تشدد کیا جبکہ مذاکرات کی ناکامی کے بعد سڑک بھی بلاک کردی۔

خانیوال میں موٹر وے ایم 4 کی تعمیر کا عمل بڑی تیزی سے جاری ہے تاہم گزشتہ شب چینی انجینئرز پولیس سیکیورٹی کے بغیر اپنے نورپور کیمپ سے باہر جانا چاہتے تھے۔

ذرائع کے مطابق نورپور کیمپ کے سیکیورٹی انچارج نے چینی انجینیئرز کو باہر جانے سے منع کردیا جس کے بعد چینی انجینیئرز اور چینی ورکرز نے نورپور میں موجود پولیس کیمپ کی گزشتہ شب بجلی کاٹ دی۔

آج صبح چینی انجنیئرز اور ورکرز نے احتجاجاً ضلع خانیوال میں ایم 4 کے تمام منصوبوں پر ناصرف کام بند کردیا بلکہ کبیروالا، شام کوٹ، نورپور، مخدوم پور روڈ سمیت اہم شاہراہوں کو بھی ہیوی مشنیری کے ذریعے بلاک کردیا، جس کے باعث پورا ضلع بند ہوگیا۔

مزید پڑھیں: چین نے اپنے شہریوں کو پاکستان میں دہشت گردی کے خطرے سے آگاہ کردیا

چینی مزدوروں کے احتجاج کے باعث سڑک کے اطراف میں گاڑیوں کی لمبی لمبی قطاریں لگ گئیں جبکہ مسافروں کو بھی شدید پریشانی کا سامنا کرنا پڑا۔

اس صورت حال کے پیش نظر ڈسٹرکٹ پولیس آفیسر (ڈی پی او) رضوان عمر گوندل نے چینی انجینیئرز کے ساتھ مذاکرات کیے جو کئی گھنٹے جاری رہنے کے بعد ناکام ہوگئے۔

مذاکرات کی ناکامی کے بعد چینی مزدوروں نے احتجاج کا دائرہ کار وسیع کرنے کی بھی دھمکی دی۔

احتجاج کرنے والے چینی انجینیئرز نے وزیراعلیٰ پنجاب شہباز شریف کو لکھے گئے ایک خط میں دعویٰ کیا کہ پولیس اہلکار انھیں کام کرنے سے روک رہے اور ان پر حملہ بھی کردیا۔

یہ بھی پڑھیں: سی پیک منصوبوں پر چینی قیدیوں کے کام کرنے کا انکشاف

—فوٹو:ڈان نیوز
—فوٹو:ڈان نیوز

بعدِ ازاں چینی انجینیئرز پولیس وین پر چڑھ کر غیر اخلاقی حرکت کرنے لگے جبکہ کمیپ میں انہوں نے پولیس سیکیورٹی اہلکار کو احتجاج کے دوران شدید تشدد کا نشانہ بھی بنایا۔

دوسری جانب چینی کمپنی کی جانب سے ایک درخواست سامنے آئی ہے جس میں انھوں نے موقف اختیار کیا ہے کہ چینی مزدوروں نے جب کمیپ سے باہر جانے کی اجازت طلب کی تو انھیں پنجاب پولیس کے اسپیشل پروٹیکشن یونٹ (ایس پی یو) کے اہلکاروں نے منع کردیا۔

چینی کمپنی نے موقف اختیار کیا کہ ایس پی یو کے اہکاروں نے چینی مزدوروں کو تشدد کا نشانہ بنایا تاہم پولیس اہلکاروں نے تمام الزامات کو رد کرتے ہوئے اس کو جھوٹ اور افسانوی باتیں قرار دیا۔

تاہم ڈان نیوز کو موصول ہونے والی ویڈیو میں دیکھا جاسکتا ہے کہ چینی مزدور سیکیورٹی اہلکاروں کو تشدد کا نشانہ بنا رہے ہیں۔

یاد رہے کہ چینی باشندوں کی جانب سے پاکستانی پولیس پر حملے کا یہ پہلا واقعہ نہیں ہے اس سے قبل 2016 میں اس وقت معاملہ شدت اختیار کر گیا تھا جب چینی انجینئرز نے تعمیراتی کیمپ میں رات گزارنے پر اصرار کر رہے تھے جبکہ پولیس سیکیورٹی وجوہات کے باعث اس خیال کی مخالفت کررہے تھے۔

ذرائع کا کہنا تھا کہ چینی باشندوں کے ہمرا چینی فوج سے منسلک رہنے والے اور مارشل آرت کے تربیت یافتہ چند افراد بھی شامل تھے جنھوں نے سیکیورٹی اہلکاروں کو زخمی بھی کردیا تھا۔

پولیس نے مزید تنازع سے بچنے کے لیے چینی انجینئرز کے خلاف مقدمہ درج نہیں کیا تھا جبکہ اس وقت کے سی پی او نے تین ایس ایچ اور 6 اہلکاروں کو اس لیے معطل کیا تھا انھوں نے تصادم سے اجتناب کی کوشش کیوں نہیں کی۔

زیادہ پڑھی جانے والی خبریں

گزشتہ 24 گھنٹوں کے دوران

ڈان نیوز پاکستان

تازہ ترین

ضرور پڑھیں

ویڈیوز

کالمز / بلاگ

تبصرے (4) بند ہیں

Mobily Apr 04, 2018 05:01pm
This will be big problem in coming future, the Pakistan allow full access to every part and also allow the purchase of land the china is big populated and multi time strong country in future there are chance of new East India company and the history may repeat. Furthermore when they are also bringing their own labour this will also increase the in employment in Pakistan and no authority is thinking about this
KHAN Apr 04, 2018 05:38pm
الٹا چور کوتوال کو ڈانٹے
IKE Apr 05, 2018 04:21am
This is bigger problem for the Chinese Govt than Pakistan. China has spent 5 decades to build a reputation and good will. Now for the sake of money, the brought in their own engineers who otherwise would be unemployed. These are unwanted by china. If China does not control its citizens, the Govt of China might lose good will and its relations with the Pakistan people will become those like what were Pakistani population's relations with the US after Raymond Davis. This maybe China's Raymond Davis.
Abdul Apr 05, 2018 09:15am
there should be a strict action taken against thesw responsible people, as.they are.abiding.the law, they can't do such thing in their own country, so why, they are doing such things is Pakistan? just because they know. that Pakistan law can be purchased, and the government wont take action, because of corrupt people sitting on chairs, there are also some mistakes that are committed by the local police, that why didn't they wrote FIR case again those people? the senior authority is also silent, take some action, and prove your independency. Pakistan is an independent country, dont let other take advantages of us, just because of few corrupt people.