جاپان کو سنسنی خیز مقابلے کے بعد شکست، بیلجیئم فاتح
ورلڈ کپ فیورٹ بیلجیئم نے پری کوارٹر فائنل میں سنسنی خیز مقابلے کے بعد جاپان کو 2-3 شکست دے کر کوارٹر فائنل کے لیے کوالیفائی کر لیا جہاں اس کا مقابلہ برازیل سے ہو گا۔
روستوو ارینا میں کھیلے گئے میچ میں بیلجیئم نے شروع سے ہی جارحانہ انداز اپنایا جبکہ خلاف توقع جاپان کی ٹیم نے بھی بھرپور کھیل پیش کیا۔
دونوں ٹیموں خصوصاً بیلجیئم کی ٹیم کو گول کرنے کے متعدد مواقع ملے لیکن دونوں ہی ٹیمیں کوئی گول اسکور کرنے میں کامیاب نہ ہو سکیں۔
*What* a through ball. Eat his shorts, KdB. #BELJAP #WorldCup pic.twitter.com/7Y1OloO2SH
— Matt Scott (@Matt5cott) July 2, 2018
میچ کے پہلے ہاف میں مقابلہ بغیر کسی گول کے برابر تھا لیکن دوسرے ہاف کے آغاز میں ہی جاپان کے گینکی ہراگوچی نے گول کر کے اپنی ٹیم کو برتری دلا دی۔
ابھی بیلجیئم کی ٹیم اس حملے کے صدمے سے نکلی بھی نہ تھی کہ میچ کے 52ویں منٹ تکاشی انوئی نے خوبصورت ہٹ لگا کر گیند کو گول میں پہنچا کر مقابلہ برابر کردیا۔
دوسری جانب بیلجیئم کی ٹیم نے تابڑ توڑ حملے شروع کر دیے لیکن انہیں اگلے 15منٹ تک کوئی بھی کامیابی نہ مل سکی۔
اس دوران ہی بیلجیئم کی ٹیم نے ایک ساتھ دو تبدیلیاں کرتے ہوئے فلینی اور ناصر چیڈلی کو میدان میں اتارا جس کے ساتھ ہی میچ کا نقشہ تبدیل ہو گیا اور بیلجیئم نے منظم حملے شروع کردیے۔
Inui's stunning Golazo ! #JAP #BELJAP pic.twitter.com/uZwWX8aPWj
— certified juventino (@__Hardeykhunley) July 2, 2018
اس دوران ایک حملے میں بیلجیئم کے گول کیپر نے گیند کو کلیئر کیا لیکن دوسری جانب گول سے کافی دور موجود ورٹونگن نے ہیڈر پر شاندار گول کر کے خسارہ کم کردیا۔
GOAL VERTONGHEN WHAT A HEADER!! #BELJAP #WorldCup pic.twitter.com/zjz5oogI3e
— World Cup Goals (@A1Futbol) July 2, 2018
بیلجیئم نے حملوں کا سلسلہ جاری رکھا اور انہیں دوسری کامیابی 5منٹ بعد ہی اس وقت ملی جب فلینی نے ہیڈر پر گیند کو گول میں پہنچا کر مقابلہ برابر کردیا۔
دونوں ٹیموں کی جانب سے ایک دوسرے کے گولوں پر حملوں کا سلسلہ جاری رہا جسے دونوں ہی جانب گول کیپرز اور دفاعی کھلاڑیوں نے عمدہ کھیل سے ناکام بنا دیا۔
کھیل کے اختتامی منٹ میں جاپان کو ایک کارنر ملا جس پر ایشیائی ٹیم گول نہ کر سکی لیکن بیلجیئم فوراً کامیاب جوابی حملہ کرتے ہوئے عمدہ موو بنائی اور میچ کے اختتام سے محض 20سیکنڈ قبل ناصر چیڈلی نے گول کر کے اپنی ٹیم کو میچ میں فتح سے ہمکنار کرا دیا۔
Belgium through to the QF with this last minute goal, what a game this was #BELJPN pic.twitter.com/PsLMO4S255
— That Mech Kid ! (@r3al__AJ) July 2, 2018
اس فتح کے ساتھ ہی بیلجیئم کی ٹیم نے نیا ریکارڈ بنا دیا جہاں وہ ورلڈ کپ کے ناک آؤٹ مرحلے میں 2 گول کے خسارے میں جانے کے بعد میچ جیتنے والی 48سال بعد پہلی ٹیم بن گئی۔
1978 میں اس سے قبل مغربی جرمنی نے انگلینڈ کے خلاف 2-0 کے خسارے میں جانے کے بعد دو گال کیے تھے اور اس کے بعد 48سال تک مزید کوئی ٹیم یہ اعزاز حاصل نہ کر سکی تاہم اب بیلجیئم نے ایک عرصے بعد یہ اعزاز حاصل کر لیا۔
اس شکست کے ساتھ ہی جاپان کی ورلڈ کپ کی مہم اختتام پذیر ہوئی اور بیلجیئم کی ٹیم نے کوارٹر فائنل میں جگہ بنا لی جہاں اس کا مقابلہ 5مرتبہ کی عالمی چیمپیئن برازیل سے ہو گا۔
لائیو ٹی وی