دانت نکلنے پر بچے کاٹتے کیوں ہیں؟

اپ ڈیٹ 05 مارچ 2019
دانت سے کاٹنے کی وجہ سے لوگ جو ردِعمل دیتے ہیں ان سے بچوں میں طاقتور ہونے کا احساس پیدا ہوتا ہے—تصویر شٹر اسٹاک
دانت سے کاٹنے کی وجہ سے لوگ جو ردِعمل دیتے ہیں ان سے بچوں میں طاقتور ہونے کا احساس پیدا ہوتا ہے—تصویر شٹر اسٹاک

جب ننّھے منّے بچوں کے دانت آنا شروع ہوتے ہیں تو اس وقت ان کا دانت سے کاٹنے کا عمل بڑی حد تک فطری ہے۔ جو چھوٹے بچے دوسروں کو دانت سے کاٹتے ہیں تو اس کی عام طور پر وجہ، مایوسی، دباؤ یا پھر دانتوں میں طاقت کی کمی کا احساس ہوتا ہے۔

دانت سے کاٹنے کی وجہ سے لوگ جو ردِعمل دیتے ہیں ان سے بچوں میں طاقتور ہونے کا احساس پیدا ہوتا ہے۔

مزید پڑھیے: منہ سے ناخن کاٹنے کی عادت کیسے ختم کی جائے؟

تجربے کے لیے دانت سے کاٹنے کا عمل

آپ کا بچہ اپنے طور پر دنیا کو دریافت کرنے لیے جن ابتدائی طریقوں کو استعمال کرتا ہے ان میں سے منہ کے ذریعے چیزوں کو پرکھنا ایک اہم طریقہ ہے۔

لہٰذا دنیا کی زیادہ تر چیزیں اس کے منہ میں داخل ہوں گی۔ پھر تھوڑے ہی عرصے بعد وہ چیزوں کا تجربہ دانتوں یا مسوڑھوں میں دبا کر بھی کرنے لگے لگا۔

پریشانی میں دانت سے کاٹنے کا عمل

کچھ بچے کسی سماجی صورتحال سے پریشان ہوکر دانت سے کاٹتے ہیں کیونکہ انہیں سمجھ نہیں آتا کہ وہ اپنے احساسات کا اظہار کس طرح کریں۔

جو بچے اس عمر تک نہیں پہنچے کہ اپنی باری کا انتظار کرسکیں یا اپنی چیزیں شیئر کرسکیں، وہ اکثر اپنی بات منوانے کے لیے دیگر بچوں کو دانت سے کاٹتے ہیں۔

چھوٹے بچے کبھی کبھار اس وقت دانت سے کاٹتے ہیں جب وہ ان بڑے بچوں کے ساتھ کھیل رہے ہوتے ہیں جن کا کھیل یا کسی دوسری سرگرمی پر کنٹرول ہوتا ہے۔

کمزوری کے احساس کے باعث دانت سے کاٹنے کا عمل

گھر میں سب سے چھوٹا بچہ ہی اکثر دانت سے کاٹنے والا انسانی وجود ہوتا ہے۔ جہاں اس کے بڑے بہن بھائی بڑی آسانی سے اپنی ضروریات کا اظہار کرپاتے ہیں، یوں انہیں جو چیز جتنی زیادہ چاہیے ہوتی ہے اکثر اتنی زیادہ مل جاتی ہے، وہیں یہ دانت سے کاٹنے والا ننّھا منّا اپنی بات دوسروں تک پہنچانے کے معاملے میں خود کو کمزور سمجھتا ہے۔ بچے اور بڑے ساتھ بیٹھے ہوں تو چھوٹا بچہ دانت سے کاٹنے پر یہ دیکھے گا کہ دانت سے کاٹنے پر اسے توجہ ملتی ہے اور اکثر و بیشتر اس کی مرضی کی چیز بھی مل جاتی ہے۔

—تصویر شٹر اسٹاک
—تصویر شٹر اسٹاک

دباؤ میں آ کر دانت سے کاٹنا

12 سے 35 ماہ کی عمر کے دوران آپ کے بچے کو سب سے زیادہ جدوجہد اپنے احساسات کا اظہار سیکھنے میں کرنی پڑتی ہے۔ جبکہ چند بچے دانت سے کاٹنے کے عمل کو جذباتی دباؤ دُور کرنے کے ایک میکینزم کے طور پر استعمال کرنے لگتے ہیں۔

مزید پڑھیے: نومولود بچے اور ماں سے ملنے جائیں تو ان اصولوں کو ضرور یاد رکھیں

یہ بچوں اندازہ ہی نہیں لگا پاتے کہ آیا وہ اداس ہیں یا انہیں کسی بات کا غصہ ہے، لہٰذا ایسی صورتحال میں وہ آس پاس موجود کسی نرم و ملائم بازو پر دانتوں سے حملہ کردیتے ہیں۔

تبصرے (0) بند ہیں