پاکستان کے ستارے کو 'دبئی اسٹار' سے نواز دیا گیا

21 اکتوبر 2019

ای میل

فوٹو بشکریہ/ انسٹاگرام
فوٹو بشکریہ/ انسٹاگرام

پاکستان کے نامور گلوکار عاطف اسلم اپنے غیر معمولی کام کی بدولت دبئی کے 'واک آف فیم' کا حصہ بن گئے جہاں انہیں ان کا اپنا اسٹار بھی دیا گیا۔

گلوکار حال ہی میں دبئی میں منعقد ایک تقریب کا حصہ بنے، جہاں ان تمام شخصیات کو اعزازات سے نوازا گیا جنہوں نے اپنی اپنی فیلڈز میں بہترین کاکردگی کا مظاہرہ کیا۔

A photo posted by Instagram (@instagram) on

دبئی اسٹار انسٹاگرام اکاؤنٹ پر جاری بیان میں عاطف اسلم کو پاکستان کے بہترین گلوکاروں میں سے ایک ٹھہرایا گیا۔

اداکار کو حکومت پاکستان کی جانب سے تمغہ امتیاز سے بھی نوازا گیا تھا۔

عاطف اسلم نے خود بھی اپنے اسٹار کے ساتھ تصویر شیئر کی۔

A photo posted by Instagram (@instagram) on

A photo posted by Instagram (@instagram) on

گلوکار دی دبئی اسٹارز کی ایک پریس کانفرنس کا حصہ بھی بنے، اس دوران میڈیا سے بات کرتے ہوئے عاطف اسلم کا کہنا تھا کہ 'میوزک نے ہمیشہ ہی لوگوں کو ایک دوسرے سے جوڑا ہے، میں ان تمام مداحوں کا شکریہ ادا کرنا چاہتا ہوں جو میرے اس سفر میں میرے ساتھ رہے'۔

A photo posted by Instagram (@instagram) on

عاطف اسلم نے اپنے مستقبل کے منصوبے شیئر کرتے ہوئے بتایا کہ 'میں یہاں موجود تمام اہم شخصیات سے مل کر بےحد خوش ہوں، میں میوزک کی فیلڈ میں آگے کام کرنا چاہتا ہوں، میں یہاں موجود تمام شخصیات کے ساتھ مل کر کام کرنا چاہتا ہوں، تاکہ ان کی ثقافت کو جان سکوں'۔