معروف بھارتی اداکارہ نے خودکشی کرلی

اپ ڈیٹ 27 مئ 2020
اداکارہ زیادہ تر ٹی وی ڈراموں میں دکھائی دیتی تھیں—فوٹو: انسٹاگرام
اداکارہ زیادہ تر ٹی وی ڈراموں میں دکھائی دیتی تھیں—فوٹو: انسٹاگرام

ٹی وی اور تھیٹر کی معروف بھارتی اداکارہ 25 سالہ پریکشا مہتا نے نامعلوم وجوہات کی بنا پر خودکشی کرلی۔

پریکشا مہتا سے 10 روز قبل بھی ایک بھارتی نوجوان اداکار نے مالی مشکلات کے باعث خودکشی کرلی تھی۔

پریکشا مہتا سے قبل 15 مئی کو نوجوان سکھ اداکار من میت گریوال نے بھی خود کو لٹکا کر اپنی زندگی کا خاتمہ کرلیا تھا، وہ لاک ڈاؤن ہونے کے بعد مالی مشکلات کا شکار ہوگئے تھے اور ان کی اہلیہ بھی انہیں چھوڑ کر چلی گئی تھیں۔

من میت گریوال بھی ڈراموں اور تھیٹر کے اداکار تھے جب کہ وہ اشتہارات سمیت مختلف گانوں میں بھی پرفارمنس کر چکے تھے۔

A photo posted by Instagram (@instagram) on

ان کی خودکشی کے 10 دن بعد نوجوان اداکارہ 25 سالہ پریکشا مہتا نے بھی خود کو پھندا لگا کر اپنی زندگی کا خاتمہ کرلیا۔

بھارتی اخبار انڈین ایکسپریس کے مطابق پریکشا مہتا نے ریاست مدھیا پردیش کے شہر اندور میں اپنے گھر میں خودکشی کرلی، وہ بھی لاک ڈاؤن ہونے کے بعد گھر تک محدود تھیں۔

رپورٹ کے مطابق فوری طور پر پریکشا مہتا کی خودکشی کی وجوہات سامنے نہیں آ سکیں تاہم خیال کیا جا رہا ہے کہ انہوں نے بھی ممکنہ طور پر مالی مسائل کی وجہ سے خودکشی کی ہوگی۔

A photo posted by Instagram (@instagram) on

پریکشا مہتا کیریئر بنانے کے لیے مدھیا پردیش سے مہاراشٹر کے دارالحکومت ممبئی منتقل ہوگئی تھیں اور انہوں نے کرائم پیٹرول، تو عاشقی، لال عشق اور میری درگا جیسے ڈراموں میں اہم کردار ادا کیے جب کہ وہ اس دوران تھیٹر میں بھی کام کرتی دکھائی دیں۔

یہ بھی پڑھیں: بھارتی اداکارہ نے خودکشی کرلی

پریکشا مہتا نے اکشے کمار کی فلم پیڈمین میں بھی کردار ادا کیا جب کہ وہ متعدد گانوں میں ماڈلنگ بھی کرتی دکھائی دیں، علاوہ ازیں انہوں نے اشتہارات میں کام کرنے سمیت فیشن شوز میں بھی جلوے بکھیرے۔

پریکشا مہتا سوشل میڈیا پر بھی متحرک تھیں اور آئے دن اپنی تصاویر اور مصروفیات کے حوالے سے کچھ نہ کچھ شیئر کرتی رہتی تھیں۔

A photo posted by Instagram (@instagram) on

بھارت میں کورونا وائرس سے بچاؤ کے لیے نافذ کیے گئے لاک ڈاؤن کے بعد وہ ممبئی سے اندور منتقل ہوگئی تھیں اور کئی دن سے گھر تک ہی محدود تھیں اور خیال کیا جا رہا ہے کہ وہ بھی مالی مسائل کا شکار ہوچکی تھیں تاہم اس حوالے سے ان کے اہل خانہ اور پولیس نے فوری طور پر کوئی تصدیق نہیں کی۔

پریکشا مہتا نے خودکشی کرنے سے قبل اپنی ایک سوشل میڈیا پوسٹ میں لکھا تھا کہ ’سب سے برا ہوتا ہے سپنوں کا مر جانا‘ اور اس سے قبل بھی اداکارہ نے کچھ مایوسی بھری پوسٹس شیئر کی تھیں۔

پریکشا مہتا کی خودکشی پر متعدد بھارتی اداکاروں نے دکھ کا اظہار کیا اور کہا کہ ابھرتے ہوئے فنکاروں کی ذہنی صحت اور مالی معاملات پر سنجیدگی سے غور کرنے کی ضرورت ہے۔

A photo posted by Instagram (@instagram) on

ضرور پڑھیں

تبصرے (0) بند ہیں