• KHI: Fajr 4:30am Sunrise 5:55am
  • LHR: Fajr 3:38am Sunrise 5:13am
  • ISB: Fajr 3:35am Sunrise 5:13am
  • KHI: Fajr 4:30am Sunrise 5:55am
  • LHR: Fajr 3:38am Sunrise 5:13am
  • ISB: Fajr 3:35am Sunrise 5:13am

عامر خان نے سوشل میڈیا چھوڑنے کا سبب بتادیا

شائع March 17, 2021
عامر خان کے مطابق وہ ویسے ہی سوشل میڈیا پر غیر فعال ہوتے تھے—فائل فوٹو: پریس ٹرسٹ آف انڈیا
عامر خان کے مطابق وہ ویسے ہی سوشل میڈیا پر غیر فعال ہوتے تھے—فائل فوٹو: پریس ٹرسٹ آف انڈیا

بولی وڈ مسٹر پرفیکشنسٹ عامر خان نے اپنی 56 ویں سالگرہ کے ایک دن بعد 15 مارچ کو سوشل میڈیا کو خیرباد کہنے کا اعلان کرکے سب کو حیران کردیا تھا۔

موجودہ دور کو سوشل میڈیا کا دور کہا جاتا ہے اور دنیا کے تمام کے شوبز اسٹار سوشل میڈیا کو شہرت میں اضافے کے آلے کے طور پر استعمال کرتے ہیں۔

تاہم ایسی شخصیات کے برعکس عامر خان نے سوشل میڈیا کو خیرباد کرنے کا اعلان کرکے سب کو حیران کردیا۔

عامر خان نے اپنی ٹوئٹ و انسٹاگرام پوسٹ میں 15 مارچ کو بتایا تھا کہ اب وہ سوشل میڈیا پر کوئی بھی ذاتی اکاؤنٹ استعمال نہیں کریں گے اور وہ مداحوں سے ماضی کی طرح رابطے میں رہیں گے۔

عامر خان نے بتایا تھا کہ وہ میڈیا کے ذریعے یا پھر اپنے پروڈکشن ہاؤس کے ٹوئٹر ہینڈل کے ذریعے مداحوں سے معلومات کا تبادلہ کریں گے۔

یہ بھی پڑھیں: عامر خان نے سوشل میڈیا کو خبریاد کہہ دیا

عامر خان کی جانب سے سوشل میڈیا کو چھوڑنے کے اعلان کرنے کے دو دن بعد مسٹر پرفیکشنسٹ سے صحافیوں نے پوچھا کہ آخر انہوں نے مذکورہ فیصلہ کس وجہ سے اور کیوں کیا؟

انڈین ایکسپریس کے مطابق عامر خان سے ممبئی میں فوٹوگرافرز و صحافیوں نے سوشل میڈیا چھوڑنے کا سبب پوچھا تو انہوں نے مخصر جواب میں بتایا کہ ان کی اپنی ہی الگ دنیا ہے۔

عامر خان نے وضاحت کی کہ جو سبب عام لوگ سمجھ رہے ہیں، اس سبب کے باعث انہوں نے سوشل میڈیا کو خیرباد نہیں کہا بلکہ انہوں نے اس لیے سوشل میڈیا کو چھوڑا کیوں کہ ان کی اپنی ہی دنیا ہے۔

عامر خان کا کہنا تھا کہ وہ ویسے بھی سوشل میڈیا پر غیر متحرک رہتے تھے، اس لیے انہوں نے سوچا کہ اسے استعمال نہ ہی کیا جائے تو اچھا ہے۔

عامر خان نے بتایا کہ اب وہ مداحوں سے میڈیا کے ذریعے ہی رابطے مین رہیں گے اور یہ میڈیا کے لیے بھی اچھی بات ہے اور انہیں میڈیا پر پورا یقین بھی ہے۔

کارٹون

کارٹون : 21 جولائی 2024
کارٹون : 20 جولائی 2024