نوکیا کی جانب سے 4 نئے اسمارٹ فونز جلد پیش کیے جانے کا امکان

24 نومبر 2021

نوکیا کے 4 نئے اسمارٹ فونز کی تصاویر سامنے آئی ہیں جن کے بارے میں ابھی زیادہ کچھ معلوم نہیں۔

یہاں تک کہ ان فونز کے نام بھی معلوم نہیں بس ماڈل نمبر سامنے آئے ہیں۔

ان میں سے ایک این 150 ڈی ایل اور دوسرا این 1530 ڈی ایل ہے۔

این 150 ڈی ایل — فوٹو بشکریہ ایون بلاس ٹوئٹر پیج
این 150 ڈی ایل — فوٹو بشکریہ ایون بلاس ٹوئٹر پیج

یہ دونوں بظاہر کسی ایک ہی سیریز کے فونز لگتے ہیں جن کے بیک پر کیمرا سیٹ اپ اوپری بائیں کونے پر موجود ہے۔

فون کے فرنٹ پر نوچ ڈیزائن سے عندیہ ملتا ہے کہ یہ مڈرینج فونز ہوں گے جبکہ فنگرپرنٹ ریڈر سائیڈ پر دیا گیا ہے جو ایل سی ڈی ڈسپلے کی موجودگی کی نشانی ہے۔

این 1530 ڈی ایل — فوٹو بشکریہ ایون بلاس ٹوئٹر پیج
این 1530 ڈی ایل — فوٹو بشکریہ ایون بلاس ٹوئٹر پیج

اسی طرح ہیڈفون جیک بھی موجود ہے اور بیک پر 3 کیمروں کا سیٹ اپ ہے مگر ان کے سنسرز کے میگا پکسل کے بارے میں کچھ معلوم نہیں۔

اس کے علاوہ ایک اور فون این 151 ڈی ایل ہے جس کے بعد پر سرکولر کیمرا سیٹ اپ ہے اور بظاہر یہ انٹری لیول فون ہے جس میں بیک پر ایک ہی کیمرا ہے۔

این 151 ڈی ایل — فوٹو بشکریہ ایون بلاس
این 151 ڈی ایل — فوٹو بشکریہ ایون بلاس

اس فون میں فنگرپنٹ اسکینر نہیں اور نیچے بیزل کافی نمایاں ہیں۔

چوتھا این 152 ڈی ایل ماڈل ہے جو ممکنہ طور پر سی سیریز کا نیا فون ہے۔

این 152 ڈی ایل — فوٹو بشکریہ ایون بلاس ٹوئٹر پیج
این 152 ڈی ایل — فوٹو بشکریہ ایون بلاس ٹوئٹر پیج

سی سیریز میں عموماً اینڈرائیڈ گو فونز پیش کیے جاتے ہیں اور اس کا ڈیزائن بھی سی 1 اور سی 01 پلس سے مماثلت رکھتا ہے۔

ابھی یہ واضح نہیں کہ نوکیا کی جانب سے یہ نئے فونز کب تک متعارف کرائے جاسکتے ہیں مگر تصاویر سے اندازہ ہوتا ہے کہ یہ جلد پیش کیے جاسکتے ہیں۔

تبصرے (0) بند ہیں