• KHI: Asr 5:11pm Maghrib 7:16pm
  • LHR: Asr 4:54pm Maghrib 7:00pm
  • ISB: Asr 5:03pm Maghrib 7:11pm
  • KHI: Asr 5:11pm Maghrib 7:16pm
  • LHR: Asr 4:54pm Maghrib 7:00pm
  • ISB: Asr 5:03pm Maghrib 7:11pm

بنوں: دو مسلح گروپوں میں تصادم، 3 افراد جاں بحق

شائع December 22, 2022
تصادم اختر محمد اور اسحٰق گروپ کے درمیان ہوا—فائل فوٹو: اے ایف پی
تصادم اختر محمد اور اسحٰق گروپ کے درمیان ہوا—فائل فوٹو: اے ایف پی

خیبرپختونخوا کے ضلع بنوں میں دو مسلح گروپوں میں تصادم کے باعث 3 افراد جاں بحق ہوگئے۔

ڈان اخبار میں شائع رپورٹ کے مطابق پولیس کا کہنا ہے کہ ضلع بنوں کے علاقے جانی خیل منڈی (بازار) میں دو مسلح گروپوں کے ارکان کا آمنا سامنا ہوا اور تصادم کے باعث فائرنگ شروع کردی جس کے نتیجے میں 3 افراد جاں بحق ہوگئے۔

پولیس کے مطابق جاں بحق ہونے والوں میں ایک شخص کی شناخت عطا اللہ کے نام سے ہوئی ہے جس کا تعلق اسحٰق گروپ سے تھا جبکہ مزید 2 جاں بحق افراد کا تعلق اختر محمد گروپ سے تھا۔

پولیس نے بتایا کہ جاں بحق افراد کی لاشوں کو مقامی ہسپتال منتقل کردیا گیا ہے جبکہ صورتحال کنٹرول کرنے کیلئے قانون نافذ کرنے والے اداروں کے اہلکاروں کی بڑی تعداد جائے وقوع پر پہنچی تھی۔

خیبرپختونخوا کے جنوبی ضلع بنوں کا علاقہ جانی خیل اُس وقت شہ سُرخیوں کی زینت بنا جب گزشتہ سال دو مختلف مواقع پر قبائلیوں نے 4 لڑکوں اور ایک قبائلی سردار کے قتل کے خلاف دھرنا دیا تھا۔

کارٹون

کارٹون : 28 مئی 2024
کارٹون : 27 مئی 2024