وفاقی حکومت کا عید الفطر پر 5 روزہ تعطیلات کا اعلان
وفاقی حکومت نے ملک بھر میں عید الفطر 2023 کی 5 روزہ تعطیلات کا اعلان کر دیا۔
کابینہ ڈویژن کی جانب سے جاری نوٹی فکیشن کے مطابق وزیراعظم پاکستان شہباز شریف نے عیدالفطر کی 5 چھٹیوں کی منظوری دی۔
جاری نوٹیفکیشن کے مطابق 21 اپریل بروز جمعہ سے 25 اپریل بروز منگل تک عید الفطر کے پیش نظر ملک بھر میں عام تعطیل ہوگی۔
خیال رہے کہ میڈیا رپورٹس کے مطابق ماہرین فلکیات اور رویت ہلال ریسرچ کونسل نے پیش گوئی کی ہے کہ رواں سال پاکستان میں رمضان المبارک کے پورے 30 روزے ہوں گے جس کے بعد عید الفطر 22 اپریل بروز ہفتہ منائی جائے گی۔
لائیو ٹی وی