• KHI: Fajr 4:14am Sunrise 5:43am
  • LHR: Fajr 3:18am Sunrise 4:58am
  • ISB: Fajr 3:14am Sunrise 4:57am
  • KHI: Fajr 4:14am Sunrise 5:43am
  • LHR: Fajr 3:18am Sunrise 4:58am
  • ISB: Fajr 3:14am Sunrise 4:57am

کپل شرما نے یوٹیوبر نادر علی کیساتھ پروگرام کرنے کی خواہش کا اظہار کردیا

شائع February 16, 2024
فائل فوٹو: ایکس
فائل فوٹو: ایکس

بھارت کے نامور کامیڈین کپل شرما نے پاکستانی یوٹیوبر نادر علی کو دبئی میں ایک ساتھ پروگرام کرنے کی خواہش کا اظہار کردیا۔

نادر علی نےکپل شرما سے فون پر ہونے والی گفتگو کی ریکارڈنگ اپنے فیس بک پیج اور انسٹاگرام پر شئیر کی جس میں دیکھا جاسکتا ہے کہ نادر علی فون پر کپل شرما سے بات کررہے ہیں۔

کپل شرما نے کہا کہ ’میں آپ کو بہت پسند کرتا ہوں، میں ابھی آپ کا شو دیکھ رہا تھا، آپ بہت اچھا بولتے ہیں اور بہت اچھا شو کرتے ہیں، میں چاہتا ہوں کہ ہم دونوں ایک ساتھ دبئی میں شو کریں۔‘

کپل شرما نے اپنے خاندان کا ذکر کرتے ہوئے کہا کہ ان کا تعلق امرتسر سے ہے، انہوں نے نادر علی نے کہا کہ ’ آپ کا تعلق بھی شاید لاہور سے ہے، اصل میں میرے پردادا اور پردادا کا تعلق لاہور سے تھا، میرے والد 1915 میں امرتسر میں پیدا ہوئے تھے، اس لیے میری اس شہر سے بہت سی یادیں وابستہ ہیں۔’

بھارتی کامیڈین نے ایک بار پھر کہا کہ ’بھائی میں واقعی میں آپ کو بہت پسند کرتا ہوں، ایک دن دبئی میں ملتے ہیں۔‘

کپل شرما نے کہا کہ ’ہم نے کچھ اچھی چیزیں بنائی ہیں، میں چاہتا ہوں کہ آپ بھی اس میں حصہ لیں، میرا دبئی جانے کا پلان ہوگا تو میں آپ کو کال کروں گا، اس بار دبئی میں ملتے ہیں۔‘

اس دوران نادر علی کی والدہ نے بھی کپل شرما سے بات کی، گفتگو کے دوران نادر کی والدہ نے کپل شرما کے پروگرام کی تعریف کی اور ان کی کامیابی کے لیے دعائیں کیں۔

یاد رہے کہ کپل شرما کا شو ’کامیڈی نائٹس ود کپل‘ 2013 میں شروع ہوا، جس نے انہیں شہرت کی نئی بلندیوں پر پہنچا دیا تھا، انہیں بھارت میں ٹی وی کی دنیا میں کامیڈی کا بادشاہ کہا جاتا ہے۔

دوسری جانب نادر علی یوٹیوبر ہیں جو اپنے یوٹیوب پیچ پر مختلف معروف شخصیات کے ساتھ پوڈکاسٹ کرتے ہیں۔

کارٹون

کارٹون : 17 جون 2024
کارٹون : 16 جون 2024