یوکرین نے روس کے 3 لڑاکا طیارے مار گرانے کا دعویٰ کیا ہے جبکہ روس نے یوکرین کے ایک اور اہم شہر ایودیوکا پر قبضہ کرلیا۔

’ڈان نیوز‘ کے مطابق یوکرینی فضائیہ کے سربراہ نے بتایا کہ انہوں نے مشرقی یوکرین میں 2 روسی ایس یو-34 لڑاکا بمبار طیاروں اور ایک ایس یو-35 لڑاکا طیارہ مار گرایا ہے۔

دوسری جانب روس نے پیش قدمی جاری رکھتے ہوئے یوکرین کے ایک اور اہم شہر ایودیوکا پر قبضہ کرلیا جسے روسی صدر ولادیمیر پیوٹن نے اہم فتح قرار دیا۔

گزشتہ روز ہی یوکرینی فوجیوں نے اسلحہ کا ذخیرہ ختم ہونے کے باعث شہر سے انخلا شروع کردیا تھا۔