میں خواتین کی احسن خان ہوں، صبا فیصل
اداکارہ صبا فیصل نے مزاحیہ تبصرے کرتے ہوئے کہا ہے کہ وہ خواتین کی احسن خان ہیں۔
میزبان اور اداکار احسن خان اور رابعہ انعم کی رمضان ٹرانسمیشن میں اداکارہ صبا فیصل نے شرکت کی تھی۔
احسن خان نے صبا فیصل کا تعارف کرواتے ہوئے کہا کہ ان کے بغیر کوئی شو، کوئی ڈراما، کوئی جگہ، کوئی ایونٹ مکمل نہیں ہوتا اور وہ جس ڈرامے میں کردار ادا کرتی ہیں وہ ہٹ ہوجاتا ہے۔
جواب میں صبا فیصل نے شکریہ ادا کرتے ہوئے کہا کہ ’ابھی احسن خان ناظرین کو میرا تعارف کروارہے تھے کہ شاید کوئی پروگرام، کوئی شو شاید ہی صبا کے بغیر ہو، تو میں خواتین کی احسن خان ہوں‘۔
جس کے بعد صبا فیصل اور احسن خان ہنس پڑے۔
اداکارہ صبا فیصل نے اپنی بات مکمل کرتے ہوئے کہا کہ ’میں خواتین کی احسن خان اس لیے کیونکہ میں ان سے بہت متاثر ہوں، ان کی انرجی، اور کام کرنے کا لگن کے ساتھ وہ ہر شو اور ڈرامے کو بھی ساتھ لے کر چلتے ہیں۔‘
لائیو ٹی وی