ترکیہ میں بس حادثہ: 9 افراد جاں بحق، 26 زخمی
ترکیہ کے دارالحکومت انقرہ کے گورنر نے کہا ہے کہ انقرہ کے قریب ایک بس ہائی وے پل سے ٹکرا گئی جس کے نتیجے میں 9 افراد جاں بحق جبکہ 26 زخمی ہو گئے ہیں۔
ٹی آر ٹی پبلک ٹیلی ویژن چینل نے بتایا کہ حادثہ جمعے کی صبح 5:00 بجے پیش آیا، یہ بس انقرہ کے مغرب میں واقع شہر ایسکیشیر سے سفر کر رہی تھی۔
انقرہ ریجن کے گورنر واسپ ساہن نے کہا کہ ابتدائی معلومات سے پتا چلتا ہے کہ ڈرائیور دوران سفر سو گیا تھا کیونکہ ایسا کوئی اشارہ نہیں ملا کہ اس نے بریک لگانے کی کوشش کی ہو۔
ان کا مزید کہنا تھا کہ تحقیقات کا آغاز کر دیا گیا ہے۔
یاد رہے کہ ترکیہ میں بسوں کے حادثات کافی عام ہیں، مئی میں جنوبی شہر مرسین کے قریب ایک ہائی وے پر ایک بس ،دو کاروں اور ایک ٹرک کے تصادم میں 10 افراد جاں بحق اور 40 زخمی ہو گئے تھے۔
لائیو ٹی وی