سعدیہ غفار کے ہاں دوسرے بچے کی پیدائش
ماڈل و اداکارہ سعدیہ غفار کے ہاں دوسرے بچے کی پیدائش پر شوبز شخصیات اور مداحوں نے انہیں مبارک باد دی۔
اداکارہ نے 11 فروری کو نوزائیدہ بچے کی تصویر شیئر کرتے ہوئے مداحوں کو بتایا کہ ان کے ہاں بیٹے کی پیدائش ہوئی ہے۔
اداکارہ نے بیٹے کا نام ’زدانے حیات خان‘ بتایا اور دوسری بار ماں بننے پر شکر بھی ادا کیا۔
اداکارہ نے پوسٹ میں واضح نہیں کیا کہ ان کے ہاں بیٹے کی پیدائش کب ہوئی،تاہم ان کی جانب سے شیئر کردہ تصویر سے معلوم ہوتا ہے کہ ان کے ہاں بچے کی پیدائش کچھ دن قبل ہوئی تھی۔
انہوں نے بیٹی رایا حیات خان کے ساتھ نوزائیدہ بچے کی تصویر شیئر کی، جس میں دونوں بہن اور بھائی کھیلتے دکھائی دیے۔
اداکارہ کی جانب سے بیٹے کی پیدائش کی تصویر شیئر کیے جانے پر شوبز شخصیات سمیت مداحوں نے انہیں مبارک باد پیش کرتے ہوئے ان کی اور بچے کی صحت یابی کے لیے دعائیں کیں۔
سعدیہ غفار کے ہاں پہلے بچی کی پیدائش 2021 میں ہوئی تھی۔ اب تین سال بعد ان کے ہاں دوسرے بچے کی پیدائش ہوگئی۔
اداکارہ نے مارچ 2020 میں کچھ عرصہ تعلقات میں رہنے کے بعد اداکار و گلوکار حسن حیات خان سے شادی کی تھی۔
لائیو ٹی وی