ریحام رفیق کی عمر کتنی ہے؟ اداکارہ نے بتادیا
ابھرتی ہوئی اداکارہ و ڈانسر ریحام رفیق نے پہلی بار اپنی عمر کا بتایا ہے کہ وہ کتنے سال کی ہیں۔
حال ہی میں انہوں نے میشن پاکستان کو دیے گئے ایک انٹرویو میں مختلف سوالات کے جوابات دیتے ہوئے اپنی ذاتی اور پیشہ ورانہ زندگی سے متعلق دلچسپ انکشافات کیے۔
ایک سوال کے جواب میں ریحام نے کہا کہ وہ کسی بھی موقع پر خوشی خوشی ڈانس کر سکتی ہیں اور اپنے فارغ وقت میں ٹک ٹاک ویڈیوز بھی بناتی ہیں۔
ریحام رفیق نے کہا ہے کہ انہیں ڈانس کرنے کا بےحد شوق ہے اور ان کے شوہر ان کے بہترین ڈانس پارٹنر ہیں۔
انہوں نے بتایا کہ ان کی عمر 29 سال ہے، جب کہ وہ اداکاری کے ساتھ ساتھ وائس اوور کا کام بھی انجام دیتی ہیں۔
ریحام رفیق کے حوالے سے کچھ عرصے سے ایسی قیاس آرائیاں گردش کر رہی تھیں کہ ان کی عمر 35 سال ہے اور وہ اس عمر میں ڈراما سیریل ’پرورش‘ میں ایک نوعمر (ٹین ایجر) لڑکی کا کردار نبھا رہی ہیں۔
وکی پیڈیا پر ریحام رفیق کی عمر 35 سال درج ہے، تاہم ان کی اصل عمر جان کر سوشل میڈیا صارفین حیرت زدہ رہ گئے۔
کئی صارفین نے تبصرہ کیا کہ وہ 29 سال کی بالکل بھی نہیں لگتیں، بلکہ ان کی عمر زیادہ سے زیادہ 22 سال لگتی ہے۔
لائیو ٹی وی