اسلام آباد میں نصب کی جانے والی ہاتھوں کی یادگار پر سوشل میڈیا صارفین پریشان
وفاقی دارالحکومت اسلام آباد میں سنہری رنگوں کے ہاتھوں کے بڑے مجسمے کی نصب کے بعد سوشل میڈیا صارفین پریشان دکھائی دے رہے ہیں کہ مذکورہ یادگار نصب کرنے کا مقصد کیا ہے اور یہ کہ یادگار کا مطلب کیا ہے؟
میڈیا رپورٹس کے مطابق اسلام آباد کی مقامی انتظامیہ کی جانب سے مارگلہ ایوینیو پر ڈی چوک چورنگی پر سنہری رنگ کے دو بڑے ہاتھ نصب کیے جا رہے ہیں، جن کے ہاتھوں میں دنیا کے نقشے کی طرح گول گیند نما کوئی چیز بھی موجود ہے۔
ابھی مذکورہ یادگار کی تنصیب کا کام مکمل نہیں ہوا لیکن ابھی سے ہی اس نے سوشل میڈیا صارفین کی توجہ حاصل کرلی اور صارفین پریشان دکھائی دیے کہ مذکورہ یادگار کا مطلب اور مقصد کیا ہے؟
زیادہ تر صارفین کا خیال ہے کہ مذکورہ دونوں ہاتھوں کے دنیا کے نقشے کی طرح دی گئی گیند کا مقصد یہی ہوگا کہ دنیا پاکستان کے ہاتھ میں ہے، ترقی اور ٹیکنالوجی کی دوڑ میں دنیا پاکستان سے آگے نہیں، تاہم اس حوالے سے تصدیقی طور پر کچھ بھی کہنا قبل از وقت ہے۔
سوشل میڈیا صارفین نے مذکورہ یادگار کی تصویریں شیئر کرتے ہوئے اپنی ٹوئٹس میں سوال کیا کہ مذکورہ یادگار سے متعلق انتظامیہ وضاحتی بیان جاری کرے اور بتایا کہ یادگار کا مطلب اور مقصد کیا ہے؟
بعض صارفین نے یہ دعویٰ بھی کیا کہ اگرچہ یادگار تاحال مکمل طور پر نصب نہیں ہوئی، تاہم ابھی سے ہی سوشل میڈیا پر ہونے والے تبصروں سے تنگ آکر انتطامیہ نے مذکورہ مقام پر عوام کے آنے جانے اور میڈیا کوریج پر پابندی عائد کردی۔
رپورٹس ہیں کہ مذکورہ ہاتھوں کی یادگار کو چین سے منگوایا گیا ہے، جسے وفاقی دارالحکومت میں نصب کرکے جلد عوام کے لیے کھول دیا جائے گا۔
لائیو ٹی وی