مسلسل تیسرے روز سونے کی قیتمیں کم ہو گئیں
ملک بھر میں مسلسل تیسرے روز سونے کی قیتمیں کم ہو گئیں۔
سرکاری خبر رساں ادارے ’اے پی پی‘ کے مطابق آل پاکستان صرافہ جیولرز ایسوسی ایشن نے رپورٹ کیا کہ 24 قیراط خالص سونے کی فی تولہ قیمت 900 روپے تنزلی سے 3 لاکھ 55 ہزار 100 روپے ہو گئی۔
اسی طرح 24 قیراط 10 گرام سونے کی قیمت بھی 771 روپے گر کر 3 لاکھ 4 ہزار 441 روپے ریکارڈ کی گئی جبکہ 22 قیراط 10 گرام سونا 706 روپے تنزلی سے 2 لاکھ 79 ہزار 81 روپے ہو گیا۔
ادھر، چاندی کی قیمتوں میں بھی کمی دیکھی گئی، اور فی تولہ چاندی 50 روپے کمی کے ساتھ 3,964 روپے اور 10 گرام چاندی 43 روپے کمی کے بعد 3,398 روپے میں فروخت ہوئی۔
ایسوسی ایشن نے رپورٹ کیا کہ عالمی مارکیٹ میں بھی سونے کی فی اونس قیمت 9 ڈالر نیچے آ کر 3 ہزار 326 ڈالر ریکارڈ کی گئی۔
واضح رہے کہ گزشتہ روز 24 قیراط سونے کی فی تولہ قیمت 3 ہزار روپے تنزلی سے 3 لاکھ 56 ہزار ہوگئی تھی، اسی طرح 24 قیراط 10 گرام سونے کی قیمت بھی 2 ہزار 572 روپے سستا ہو کر 3 لاکھ 5 ہزار 212 روپے کا ہو گیا تھا۔
15 جولائی کو سونے کی فی تولہ قیمت 700 روپے کمی کے بعد 3 لاکھ 59 ہزار روپے ریکارڈ کی گئی تھی۔
لائیو ٹی وی