ملک بھر میں سونا ہزاروں روپے سستا ہو گیا
ملک بھر میں سونے کی قیمتوں میں ہزاروں روپے کمی ہوگئی۔
سرکاری خبر رساں ادارے ’اے پی پی‘ کے مطابق آل پاکستان صرافہ جیولرز ایسوسی ایشن نے رپورٹ کیا کہ 24 قیراط سونے کی فی تولہ قیمت 5 ہزار 900 روپے تنزلی سے 3 لاکھ 59 ہزار روپے ریکارڈ کی گئی ہے۔
اسی طرح 24 قیراط 10 گرام سونا 5 ہزار 58 روپے سستا ہو کر 3 لاکھ 7 ہزار 784 روپے میں فروخت ہوا، جبکہ 22 قیراط 10 گرام سونے کے دام 4 ہزار 637 روپے کمی سے 2 لاکھ 82 ہزار 145 روپے ہو گئے۔
دوسری جانب، فی تولہ اور 10 گرام چاندی کی قیمت میں بالترتیب 24 اور 20 روپے کی کمی ہوئی، جس کے بعد نئی قیمتیں 4 ہزار 57 روپے اور 3 ہزار 478 روپے ہو گئیں۔
عالمی مارکیٹ میں سونے کی قیمت 61 ڈالر کمی سے 3,363 ڈالر ہو گئی۔
لائیو ٹی وی