رحیم یارخان: پولیس کا کچے میں آپریشن، 3مغوی بازیاب کرالیے
پنجاب کے ضلع رحیم یار خان پولیس نے کچے میں آپریشن کیا اور اقلیتی برادری کے تین مغوی بازیاب کرالیے۔
ڈان نیوز کے مطابق ترجمان پنجاب پولیس کا کہنا تھا کہ نواز آباد کی حدود سے اغوا ہونے والے اقلیتی برادری کے تین مغوی بازیاب کرا لیے گئے۔
ترجمان نے مزید کہا کہ تینوں مغویوں کو 24 گھنٹوں کے اندر بحفاظت بازیاب کروا لیا گیا۔
ترجمان پولیس کے مطابق مسلح ڈاکوؤں نے گزشتہ رات اسلحے کی نوک پر تینوں افراد کو اغوا کیا تھا، مغوی افراد کے اغوا کا مقدمہ تھانہ بھونگ رحیم یار خان میں درج تھا۔
ترجمان کا کہنا تھا کہ پولیس نے کامیاب ٹارگٹڈ آپریشن میں تینوں مغوی بازیاب کروا لیے۔
لائیو ٹی وی